خاص نت ... تأكيداً لما صرح به خوري .. بيان رسمي من الناطق الإعلامي لنادي الوحدات ...
خاص نت ... تأكيداً لما صرح به خوري .. بيان رسمي من الناطق الإعلامي لنادي الوحدات ... - خاص نت ... تأكيداً لما صرح به خوري .. بيان رسمي من الناطق الإعلامي لنادي الوحدات ... - خاص نت ... تأكيداً لما صرح به خوري .. بيان رسمي من الناطق الإعلامي لنادي الوحدات ... - خاص نت ... تأكيداً لما صرح به خوري .. بيان رسمي من الناطق الإعلامي لنادي الوحدات ... - خاص نت ... تأكيداً لما صرح به خوري .. بيان رسمي من الناطق الإعلامي لنادي الوحدات ...
خاص نت ... تأكيداً لما صرح به خوري .. بيان رسمي من الناطق الإعلامي ...
نفى الناطق الإعلامي لنادي الوحدات عوض الأسمر وجود نية للتعاقد مع لاعبين محليين في الفترة الحالية ، بخاصة أن مرحلة الذهاب لم تنته بعد ، ولم يحصل أي تقييم من قبل الجهاز الفني للفريق بقيادة المدرب العراقي عدنان حمد ، ولفت الأسمر أن الأخبار المتداولة في بعض وسائل الإعلام غير دقيقة ولا تستند إلى الحقائق ، وهدفها الرئيسي زعزعة إستقرار الفريق في الوقت الذي يمضي فيه فريق الكرة نحو تحقيق نتائج مثالية في دوري المحترفين وكأس الأردن ، وطالب الأسمر وسائل الإعلام أن تتحرى الدقة في نشر أخبار الوحدات وأن تستفسر عن أية معلومة عن طريق الناطق الإعلامي ، وختم الأسمر حديثه أن الوحدات يثق كل الثقة بنجومه أصحاب الخبرة والشباب ، ويعلم جيدًا أن جميعهم يبذل جهودًا مضاعفة بهدف كسب التحدي في المحافظة على لقب الدوري للموسم الرابع على التوالي واستعادة لقب كأس الاردن .
مش ابة الله خطاطبه يصير مرجعنا، وندق ببعض من وراء كلمة قالها اما لسبب في نفس يعقوب، او يعقوب فلمه ودخّلُه بالحيط لافقاده مصداقيته ... عالحالتين فقد مصداقيته واصبح مجرد إعلامي من الصحافه الصفراء
للأسف ثغرات كثيرة بهيك بيان ، يعني خلينا نكون صادقين مع أنفسنا أولا ، لو ذهبنا إلى الفيسبوك لوجدنا ما يمكن شطب هذا البيان ، أخونا وحبيبنا اللورد كتب ورد على كثير من تساؤلات الأخوة ومن ضمنها وهو مقرب من أعضاء الإدارة أن هناك حقيقة البحث عن محترفين محليين كانوا أو أجانب مستهجنا عمن سرب هذا الخبر للصحافة .....
في تفسير لهيك شي ؟
أيْ والله مصارين كل واحد وحداتي بتكركِع في بطنو وبتحكي جوّاتو إنّو بدنا لاعبين في أكثر من مركز ، والسيد رئيس النادي ، والسيد أمين السر ، اللي طلعوا ونفوا هالخبر تعال اقعد معاهم بيحكولك ، وحكوا ومرّروا مثل هيك حكي .. وباقي أعضاء مجلس الإدارة برضوا حكوا وبيحكوا مثل هيك حكي ، وأي واحد من العاملين في النادي والمتّصلين بالصحافة والإعلام حكى وبيحكي مثل هيك حكي .. أعضاء مجلس الإدارة وأصدقاء أعضاء مجلس الإدارة القريبين من الصحفيين والإعلاميين حكوا وبيحكوا هيك حكي ، عدنان حمد نفسه تسرّبت عنه أخبار للصحافة عن نيّته في طلب لاعب صانع ألعاب وآخر مهاجم من إفريقيا ... وإحنا الجماهير طول نهارنا نازلين نحكي بدنا ظهير يمين زي العالم والناس وبدنا مهاجم على سوية عالية ، وبدنا صانع ألعاب - أولوية - وقبل كل إشي ... طَبْ مِن وين بيتمرّرلنا الكلام هذا ؟!!. مِش من مشاهداتنا ومن أحكامنا على هذه المشاهدات ؟!. ومِش من مباركاتنا ومن تأييدنا لما نسمعه ونشاهده ونقرُّه من هذول الناس نتيجة إنّو فعلا بدنا لاعبين في مراكز معينة ، وبالتالي إحنا اللي بنمرّر كمان ؟!!!!.
وهسّة لما الخطاطبة نزّل الخبر صار بسّ شخص واحد هوِّه اللي سرّب الخبر للخطاطبة ، وصار اللي سرّبلو هذا الخبر هوِّه الوحيد اللي بدّو يزعزع استقرار الفريق ؟!!.
أنا ما بدافع عن الخطاطبة ولا عن غيرو ، لإنّو هو وخبرو واللي سرّبلو هذا الخبر ما بيهمّوني ، واللي بيهمّني فقط هو الاستقرار الإداري وما يطلعش رئيس النادي والناطق الإعلامي له ينفوا ويضحكوا علينا - مع إنّو الحكي هاظ صحيح - بسّ عشان يغلّطوا أو يورّطوا زميل لهم أو زميلين في المجلس عشان يبيّنوا والله إنهم همّه الفهمانين - ولكو يا عمي حِبّوا بعض واتفقوا مع بعض على الأقل 50 % من الحب والاتفاق تبع انتخاباتكو - لإنّو إذا إجينا نتطلّع على حالنا كوحدات .. الحكي اللي بينحكى آه صحيح ، بدنا لعّيبه في بعض المراكز ، في الوقت اللي معظم أندية البلد بدها فرق كاملة من اللاعبين عشان يصيروا أندية كرة قدم .. يعني ما فيهاش إشي لما ينزل خبر زيّ هيك قبل ما تبلّش الانتقالات الشتوية وِلا لما تبلّش فترتها !!!.
كل الفرق في العالم من هسّة بتبلّش تدوّر على لعّيبه ، وبتصرّح عن أسمائهم وبتوضّح مراكزهم ، الركّ على اللي واثق من حاله ومن قدراته من اللاعبين ، وبلا استقرار بلا بطّيخ ..
هاي اليوم ، نعم اليوم الأحد 01 / 01 / 2017 هناك وفد إداري أو شخص مفوّض من النادي العربي الكويتي وصل وموجود في عمان عشان يفاوض منذر أبو عمارة بخصوص الأمور المالية ، يعني الشغلِه محسومة بسّ ضايل الأمور المالية للاتفاق عليها والتعاقد مع منذر ..
يا سيدي اللورد دائماً اراه يضع اخبار وكانه هو من يقرر من هو اللاعب الجيد ونفس الشئ اغلب أخباره غير حقيقية. واتمنى من اللورد نفسه ان يوقف معلوماته اللي اغلبها خاطئة