الشاب الوحداتي وليد عاشق للوحدات اب لاربعة ابناء محمد فلسطين وهناء وبيان يبدأ يومه لما صحي من النوم وكان في بنفس اليوم مباراة للوحدات والفيصلي وبنبدأ القصه من اول اليوم ؟
قام من النوم وحكى لمرتو يا ام محمد ادعيلنا اليوم نغلب الفيصلي ونعلم عليهم عشان نتصدر الدوري
ام محمد يا زلمه خليك بشغلك والله الوحدات ما بطعمينا خبز
شو شو بتحكي انتي صار الك عايشه معي سنين طويله وبتعرفي حبي للوحدات .....الوحدات عشق وطن .
يا زلمه افطر وروح على شغلك ؟؟؟؟؟؟؟؟؟؟؟؟؟؟؟؟؟؟
افطر ابو محمد واخذ ابنو محمد معاه على الشغل لانو ابو محمد بدو يروي ابنو حب الوحدات في الوريد ونزل وشغل سيارتو وفي الطريق لقي صاحبو خميس النجار .....صباح الخير خميس شو رايح اليوم على المباراة ؟؟؟
خميس وبكل روح معنويه عاليه اه انا رايح الساعه ((2 )) بشوفك هناك
مشى ابو محمد بالشارع وفاتح مسجل السياره على اغنية يالوحدات يا المارد الاخضر ... في الملعب تمشي وتتمختر
وصل ابو محمد مكان عملو محل ميكانيكي سيارات وبصوت عالي لجارو ابو اسماعيل صباح الخير يا جار اليوم يوم الفوز ...يوم التصدر الوحداتي يا كبير
ودخل المحل وهو فرحان بهذاك اليوم صباح الخير يا ولاد اليوم اذا فزنا بكرا الحلوان عندي كنافه من حبيبه بس ادعو للوحدات
الشغيله بكل فرح يا رب الفوز يا معلم ومضت الساعات وابو محمد بنتظر الساعه ((2 )) وكانو على جمر بستنى
وفعلا اجت الساعه المحسومه وراح ابو محمد غسل ولبس اواعي نضاف وركب السياره ورفع علم الوحدات على ضهر السياره وحط وشغل اغنيه للوحدات وحط ايدو على الزامور ويغني الله وحدات القدس عربيه
وصل ابو محمد وابنو الملعب وراح على شباك التذاكر بنط وبغني هو و ابنو هي هي ما بنط الا الوحدات ووقف على دور شباك التذاكر وهاذ بدفع وهاذ بدز وهذاك بغني واشترى تذكرتين ووقف على بوابة الملعب
وهو يغني وجماهير الوحدات بتغني على الدور عشان يدخلو الملعب
وهون بدت كمان قصه دخل ابو محمد الملعب الا الملعب مزين اخضر واحمر والجماهير بتنط وبتصرخ الله وحدات القدس عربيه ومن الفرحه والحماس اخذ بطول صوتو يغني مع الجمهور
وهو قاعد مر بياع السندويش الرغيف كان من ايام جدي محجر يا سندوش كم الرغيف
رد عليه بنص دينار يا كبير ومن جوعو هو وابنو اخذو اتنين سندويش وكاسة شاي اكلو وشربو الشاي وهمه مشغولين بمراقبة الجمهور
وفجاه وبدون اعلان دخل لاعبين الوحدات ارض الملعب ورمى رغيف الساندويش من ايدو وصار يصرخ ويغني هي هي ما بنط الا الوحداتي وابنو وراه بعمل متل ما بعمل ابوه
واخذ الجمهور يغني ارفع ايدك يا رافت وارفع ايدك يا شلبايه وفلان وفلان لبداية المباراه
وبدت اللحضه المحسومه وهون بدت المباراه وبدون وعي من الجمهور بصوت عالي بغنو وابو محمد طربان على صوتهم وبغني معهم العب العب يا وحدات ..حب النادي للممات .
وفي الدقيقه عشرين رفع رافت الفنان طابه لمحمود شلبايه وبراسو محمود حطها في الجول وقف ابو محمد والجمهور وقامت المدرجات وما قعدت والتشجيع والعناق بين الجمهور وجمهور الفيصلي ولا حركه
وابو محمد بتنزل الدمعه من عينو وبحكي لابنو يا محمد عرفت شو الانتماء وحب الوحدات هون ببين حب الوحدات يا حبيبي
وانتها الشوط الاول ومع بداية الشوط الثاني الفيصلي بجيب التعادل ..... بقعد ابو محمد حزين بطول سيجاره وبولعها والحسره والندامه على وجهه وكأن ابوه توفى وبتروح الدقايق سريعه وابو محمد بعض باظافرو وبضرب وجهو كفوف مش مصدق الي صار
ومن هجمه من محمد جمال بعطي الطابه لعبدالله ذيب بحولها شمال بتلقى رافت علي قدام لؤي العمايره بشوت الطابه سريعه من سرعتها ابو محمد بنمسح الغم والحزن عنو وبتهز الشبك الفيصلاوي
وابو محمد بنط وببكي من الفرحه وبنهي الحكم المباراة بتقدم الوحدات 2-1 وبطلع ابو محمد وابنو والجمهور بغنو ليله ليله ليله اما ليله يا سلام
الله على الفرحه الوحداتيه وخاصه لما تكون من نادي انت بتحب تغلبو
الانتماء الي عن جد انا ماشفتو بحياتي زي الي بمخيم الوحدات قبل سنتين لما فزنا بالدوري أو بالكأس طلعنا انا واخواني على المخيم وغاد بتشوف الولاد بالشوارع والنسوان على سطوح العمارات وكان الكل بستنى الكأس واللعيبة و وصل الكأس مع السيد طارق خوري بسيارته بس للاسف بدون اللعيبة بس كانت حالة مش طبيعية بالشوارع والناس