أنا ما بحب حولي ,,, أنا ضد الطبيعة - أنا ما بحب حولي ,,, أنا ضد الطبيعة - أنا ما بحب حولي ,,, أنا ضد الطبيعة - أنا ما بحب حولي ,,, أنا ضد الطبيعة - أنا ما بحب حولي ,,, أنا ضد الطبيعة
أولاً السلام عليكم ,,, و إن شالله تكون صحتكم منيحة و ما بتاخدو إبر أنسولين من ورا اللي بصير فينا ,,,
ثانياً بدي أحكي إشي بـ قلبي و أنا أقل واحد فيكك خبرةً و عمراً و تفكيري ع قدي ,,,
كرة القدم علم مش ثابت بتفسير جميع المهتمين بالشأن الرياضي على مر العصور ، الإشي الثابت إنها علم مش ثابت ، طيب كيف ممكن أستغل هاي النقطة و أحط النقاط ع الحروف عشان أخرج بتوليفة كروية قادرة على تقديم المطلوب منها ,,,!؟ ,,,
أول إشي ممكن نعملو ، لا تغير تشكيلة بتفوز ، و هاي حقيقة بـ كرة القدم ، ممكن برضو لازم يكون عندي بدلاء على أتم الجاهزية أستفيد منهم وقت ما بدي ، وما إلى ذلك من هاي الحلول البسيطة اللي ممكن تثبت قواعد مش ثابتة بالأصل .
بدي أدخل بـ صلب الموضوع ، بعيداً عن المهاترات الإدارية ، و المناكفات الجماهيرية ، بدي أحكي عن جهاز فني و مجموعة من اللاعبين مطلوب منهم بطولات بنهاية الموسم ,,, إذا الفريق بفوز بثبت ع التشكيلة ، بس برضو بحسب عامل الإرهاق و الإصابات ، من خلال دكة بدلاء قوية ، عندي 3 بطولات ، دوري و كأس و بطولة خارجية ، بقدر أوزع مركز الحراسة ع البطولات هاي ، و بقدر أحكي كمان إنو إذا لاعب إنطرد بالدوري يلعب مباراة خارجية عشان أريح واحد ثاني .
إحنا مشكلتنا بـ " فريق كرة القدم " اللي عنا إنو سوء التخطيط جداً سيء , رغم إني كنت متفائل بالكابتن عدنان حمد من ناحية التخطيط لهيك أمور - هاد مش معناه إني بسب ع الزلمة - مع إنو أثبت حتى الآن ضعف من هاي الناحية .
الْجُبْنْ الْكُرَوِيْ ,,, و آسف ع المصطلح بس عنا جهاز فني جبان بالمباريات ، أنا إذا فريقي جاب جول ما بنام عليه و بصف الـ 11 لاعب دفاع و بحكيلهم شتتو الطابة ، لأ ، لازم أمسك نص ملعب و أفتح أطراف و أستغل حالة الإرباك عند الخصم و أنهي المباراة بـ جول ثاني و ثالث ، إحنا مش فريق دفاعي يا عمي ، نعمل فلاش باك ,,,!؟ ,,, مباراة الأهلي الأخيرة ، كان بإمكاننا ننهي المباراة لوووووو تبديلاتنا كانت صح و إستغلينا الإندفاع تبع الأهلي ، مباراتنا مع الفيصلي نفس الإشي ، أنا بعد هالمباراتين حكيت لازم عدنان حمد يتعلم الدرس ، ألا و هو " لما أجيب جول ما أضل أدافع " ، لإنو بتعطي مساحات للخصم و لما تمسكو نص الملعب أكلنا هوا ، من الآخر يعني ، نص الملعب من عنا ضااااااايع .
اليوم ، سلخت مغادرة من الشغل و رحت ع قهوة أحضر المباراة ، برضو نفس الطريقة ، طب يااا عدنان حمد ليش ,,,!!!؟ ,,, مشان الله ليش دايماً بنجيب جول و بننام عليه ,,,!؟ ,,, ليش ما عنا مبادرة و تحكم منيح بمجريات اللعب !!
بديش أنتقد لاعب معين و بديش أحكي أسماء ، بس ما بزبط أسلم الجناح اليمين أو الجناح الشمال أو ميمنة الوسط أو أي مركز لـ لاعب ما قدم الإضافة ، ما بزبط يا عمي هاي والله أبجديات بالكرة ، اللاعب اللي ما بقدم المطلوب بقعد ع البنش و بنزل غيرو .
كل هاي الأحداث بتقودنا لحالة بفرضها علينا عدنان حمد ، ويكأنه بحكيلنا " أنا ضد الطبيعة " .
ملاحظة ع الهامش و بضل أكررها ، بموسم 2010/2011 ، كان المدرب دراغان تالايتش مدرب الفريق ، كنا فريق مرعب هجومياً ، بديش أحكي كم جول كنا نجيب بالمباراة ، بس كنا من الدقيقة 1 لـ الدقيقة 90 و إحنا نشد اللعب و نرخيه بكيفنا ، نتحكم بـ الرتم ع مزاجنا ، نوعية اللاعبين إختلفت !! ، المميزين من عنا راحو !! ، عنا أكبر مدرسة كروية بالبلد لازم يكون عنا بدلاء ناجحين .
أنا وجهة نظري المتواضعة إنو فريقنا هاي السنة كان أقل من المستوى بـ كثير مراحل ، و قريب من " المأساة " اللي عشناها أيام رائد عساف ، فريقنا بدو إعادة هيكلة والله ، بدنا ننفضو عشان نصير نروح ع الملعب و إحنا عارفين إنو في لاعبين بقاتلو ع الطابة .
الدوري ما أتوقع نتتوج فيه مش لإنو الفيصلي و الجزيرة ما رح يضلو يفوزو ، لأ ، لإنو فريقنا اللي ما أتوقع منو يفوز بآخر 3 مباريات .
مني و علي رح أضل أروح ع الملعب و أشجع و آآزر ، لإنو هاد دوري كـ مشجع ، بس مو متأمل إشي والله .
و بتمنى من أهل الخبرة يفتوني بـ كلامي إذا كان صح أو غلط ، بس أنا هيك شايف .
كلامك ذهب
رغم اني ممغوص من اللي بشوفه كل مباراة الا انني لازم التزم بدوري كمشجع
مش عاجبني الاداء و غير مقتنع بحمد و على قناعة اننا سنودع الموسم خاليي الوفاض بس برضه بشجع
لأني مقتنع بشيء واحد فقط
الوحدات يمرض ولا يموت و امني النفس ان تأتي ادارة تتقي الله فينا
كلامك ذهب
رغم اني ممغوص من اللي بشوفه كل مباراة الا انني لازم التزم بدوري كمشجع
مش عاجبني الاداء و غير مقتنع بحمد و على قناعة اننا سنودع الموسم خاليي الوفاض بس برضه بشجع
لأني مقتنع بشيء واحد فقط
الوحدات يمرض ولا يموت و امني النفس ان تأتي ادارة تتقي الله فينا