الله يجزيك الخير اخوي .. بالنسبة للصبية الوحداتية الله يستر عليها ما كان لازم تروح بهيك مباراة ولا يوجد مبرر .. ( كم تعليق مقرف ومخزي قرأت عنها على مواقع التواصل الاجتماعي من معظم الجماهير القذرة ) خاصة انها كانت كثيرة الماكياج وملفتة .
وبالنسبة للمخرج فهو كان ايضا يصور مشجعات الغريم ايضا لكن ركز عالمشجعة الوحداتية لانها كانت الوحيدة بين الجماهير بالاضافة الى اثنتان بالمنصة ( كان ايضا يصورهم)
بالنهاية حب الوحداااات ادمان للجميع
صلوا ع النبي يا جماعة... شو هالحكي المش موزون. حكي مثاليات موزون بميزان ذكوري من الدرجة الاولى
عورة شو ؟! يعني مش كلنا بنطلع مع نسوانا عالمولات وبالتيارات وبالتيارات وبسوق الخضرة وبالباصات والمستشفيات ... بناتنا بتصوروش يعني؟
كله نازل يقول استر والله يستر... حسّيت انه صايدين صيدة بنادي ليلي، ولا لاقط صورة لوحدة ع مسبح المدينة !!! طب افسح مجال اخي الكريم وخلي مكان للبنات يروحوا الملعب وخليك انت قاعد بالبيت عالتلفزيون.
وَيَا سيدي وخليه حاطط صورتها طول المباراة ؟ شو يعني! شو هالامر العظيم اللي صار؟! شو العورة اللي ظهرت وما قدرتش الا انك تحكي عنها من باب الشرع والدين! كيف طلعت معك هالفتوة؟!
ويعني اذا رجال مسموحله وعادي انه يضله ينطنط قدام الكاميرا ومقضيهها باي باي وشوفوني ما احلاني،،، والبنت لو المصور صورها صارت عورة وعيب ولا يجوز .. وبتصير المثاليات هي العنوان.
اخي الكريم، نعتز بفتياتنا أينما كن وكيفما كن. هن اخوات الرجال، واثبتت المرأة نفسها في كل مكان بالمجتمع سواء اتفقنا معها ام اختلفنا. وان كنت خايف من سماعها للشتائم، فأطمئنكم، الشتائم نسمعها من وقت ما تفتح باب البيت حتى تعود اليه. الكل يشتم حتى أصبحت الاذن لا تنتبه له لا من رجل ولا امرأة
على معيارًكم يجب ان نوئد بناتنا ونمنع التعليم وتكون بيوتنا سجونا لهن!
عشان المصور ركز الكاميرا على بنت صارت البنت عورة وممنوع تيجي على الملعب حدث هذا في 17-10-2017!!!!
2017 ومواضيعنا بعدها تتكلم عن اذا المرأة عورة ولا لا ، واذا يجوز لها حضور مباراة وتتصور ع التلفزيون. هذا كيف لو قدري حسن عمل مع بناتنا مقابلة، شو بصير؟!!!
يااااااه شااايف كمية كبيرة من المفتين و الوعاظ وبنفس الكفة كمية رجعية وتشجيع على الانغلاق ومجتمع ذكوري احااادي القطب بامتياااز و كاننا بالعصر الجاهلي وكانو هالصبية عاملي جريمة يعني مش دخول الصبايا والعائلات جانب ايجابي لخلق اجواء عائلية بعيدة عن التشنج و الهبوط بمستوى الالفاظ وحتى التعامل من قبل مسوولي الملاعب سيختلف للايجابي لوجود العائلات و الصبايا عموما هيك مواضيع مع احتراااامي الكبير لصاحب الموضوع فهو شخص مميز واحترامي لمن كان متشددا و عنصريا هي المواضيع اللي فيها عنصرية تجاه الجنس الاخر تشعرني بالاشمئزاز لانها توكد على تخلف المجتمع وتاكيد على انو الجنس الاخر سلعة ومستهدف وان المجتمع مجتمع حيواني يجب ان نتخلص من عنصريتنا الدينية والطائفية و الجنسية و عنصرية الفكر فالعنصرية للاسف ليست كرة قدم و بس طلع لها وجووووه كتير نحن مجتمع منفتح على كل الثقافات لنرتقي بافكارنا
اخي ميموكنج .. بعد التحية .. انا لست واعظ او مفتي ..فالعائلات ليست عامل ايجابي في جو الملاعب بشكل عام والاجواء العائلية ليست بحضورها للملاعب ومن خلال متابعتنا للمبارايات التي تحضرها العائلات لم يتغير التعامل من مسؤولي الملاعب ..
وانا احترمك اخي ميموكنج واعتبرك من الاشخاص الرائعين ..
ونصيحتنا للاخوات بما هو افضل لهن ليس فيه اي نوع من العنصرية وهو بنفس الوقت ليس تخلف للمجتمع بل تطور .. وموضوعي لم يتطرق لعنصرية الديانات وإسلامنا واضح .. واحترامي لك اخي الحبيب