بس مش شايف انه بلشت في الزلمة عن جنب وطرف هيك من الباب للطاقة لسة الزلمة بحكيك هاذا الواقع وهاظ الوضع الحالي
لسة الزلمة بقول يا هادي بلشت فيه شمال ويمين
الزلمة بصارح الجماهير اللي كانت مغيبة عن هاي الحقائق
والا بدك اياه يحكيلك الوضع تمام وما عنا مديونية والجماعة اللي قبل كانو شغالين صح
اصبرو عازلمة وبعدين بنحكم
بس مش شايف انه بلشت في الزلمة عن جنب وطرف هيك من الباب للطاقة لسة الزلمة بحكيك هاذا الواقع وهاظ الوضع الحالي
لسة الزلمة بقول يا هادي بلشت فيه شمال ويمين
الزلمة بصارح الجماهير اللي كانت مغيبة عن هاي الحقائق
والا بدك اياه يحكيلك الوضع تمام وما عنا مديونية والجماعة اللي قبل كانو شغالين صح
اصبرو عازلمة وبعدين بنحكم
الجماعة الي قبليه الي وصلونا لهون تحالف معهم
ومباراة الفيصلي في الكأس مضمنة من زمان من جماعته مع حزمة من ست مباريات ومش جديد
ثم ان هذا مش الواقع
الواقع 400 الف دينار والباقي ارقام مبالغ فيها
تجديد العقود بخصمهم من الميزانية الجديدة وما بحملها للقديمة وبيطلع يصرح فيها للاعلام
أولا..مشان ما حد يحمله المسؤولية كاملة في المستقبل
ثانيا .. منيح احنا نكون بالصورة أول بأول..بصراحة مش متعودين إحنا على الشفافية هاي
حضرت لقاءه أنا مع القناة الرياضية
توقعت منو أكثر من هيك و خصوصا تحيز القناة..لكن يبدو أن الوقت كان غير مناسب للحديث عن هذا الموضوع
حبيبي يا لؤي ، الله يسعدك ..
لأ ، مِش بالعكس تماما !.
الرجل واضح وصريح ، ما اختلفناش .. بس إنك أنت بالذات تحكي الالتزامات المستقبلية ضروري جدا يحكي فيها ، وأنت رجل مالي ؟!.
نعم يحكي فيها من قبيل ما سيعمل عليه هو في فترته الإدارية والمالية الخاصة فيها لتغطية هذه الالتزامات ، لأن هذه الالتزامات المالية لها مقابلها من الإيرادات المستقبلية ، وعلى مبدأ مقابلة الإيرادات بالمصروفات ، وأنت سيد العارفين .
السيد يوسف الصقور ، صديقنا وأخونا وحبيبنا ورئيس نادينا وعلى عينّا وعلى راسنا من الآن وطيلة فترة رئاسته ، إنما .. أرجو ان لا يستغل موضوع المديونية ( اللي لحد الآن ) ما حدّش عارف قدّيش هيّه ، ويمكن ما حدّش عارف يحدّدها من أصله قدّيش هيّه .. أرجو أن لا يستغل هذا الموضوع لغايات شمّاعات مستقبلية ، كما أرجو أن تكون الشفافية والوضوح اللذان تتحدث عنهما شعارا للجميع لاعتبار ما سيكون مستقبلا ، إذْ أنه لم تكد تخلو فترة انتقالية لدورة انتخابية جديدة من دون مديونية تُسلّمها إدارة سابقة لأخرى لاحقة ، ولم تصل في أية دورة إلى أكثر من 250 - 300 ألف دينار .
الأخ ( أمل إيلياء ) .. أكرر شكري لك على تسليط الضوء على نقاط مهمة في هذا الموضوع ، وإن كنتُ أرى أن السيد يوسف الصقور هو شخص إداري جيد ، وربما أيضا هو رجل مالي وعلى اطلاع ومعرفة في كثير من الأمور .. راجيا منه استغلال معرفته وخبرته في دورته القادمة ، وحتى في التي تليها - إن شاء الله - مع رجال أتوسّم فيهم الخير معه ، وبعيدا عن إيجاد تبريرات من الآن لأي إخفاق قادم ، واختلاق أسباب مثبّطة وهادمة .
لنتظر ونرى ما سيتحقق من انجازات مع الرئيس الجديد. دعونا نوقف الانتقاد والجلد ولنعطي الفرصه له. كثرة النقد في كل بدايه لها سلبيات كثيره فلنتفاءل وان غدا لناظره لقريب
الرجل واضح وصريح ، ما اختلفناش .. بس إنك أنت بالذات تحكي الالتزامات المستقبلية ضروري جدا يحكي فيها ، وأنت رجل مالي ؟!.
نعم يحكي فيها من قبيل ما سيعمل عليه هو في فترته الإدارية والمالية الخاصة فيها لتغطية هذه الالتزامات ، لأن هذه الالتزامات المالية لها مقابلها من الإيرادات المستقبلية ، وعلى مبدأ مقابلة الإيرادات بالمصروفات ، وأنت سيد العارفين .
أول شي متفقين إنو لا أنا بدافع عن الصقور و لا إنت بتهاجم الصقور
الزلمة حكى فيها نعم لأنو متفاجئ..
مباراة الفيصلي مبيوعة..مباراة الوحدة مبيوعة .. أغلب الإيرادات مقبوضه مقدما..
يعني بتحس الزلمة مصدوم و ملخوم
و مع هيك بحكيلك إن شاء الله رح يدبر و يحل كل شي
السيد يوسف الصقور ، صديقنا وأخونا وحبيبنا ورئيس نادينا وعلى عينّا وعلى راسنا من الآن وطيلة فترة رئاسته ، إنما .. أرجو ان لا يستغل موضوع المديونية ( اللي لحد الآن ) ما حدّش عارف قدّيش هيّه ، ويمكن ما حدّش عارف يحدّدها من أصله قدّيش هيّه .. أرجو أن لا يستغل هذا الموضوع لغايات شمّاعات مستقبلية ، كما أرجو أن تكون الشفافية والوضوح اللذان تتحدث عنهما شعارا للجميع لاعتبار ما سيكون مستقبلا ، إذْ أنه لم تكد تخلو فترة انتقالية لدورة انتخابية جديدة من دون مديونية تُسلّمها إدارة سابقة لأخرى لاحقة ، ولم تصل في أية دورة إلى أكثر من 250 - 300 ألف دينار .
نعم صحيح ما نتمناه..إنو نشوف هاي الشفافية على طول..مش بس هسا..شفافية بكل شيء .. أهمها..الإيرادات .. المصروفات و العقود ... و بالذات ملف المحترفين
الأخ ( أمل إيلياء ) .. أكرر شكري لك على تسليط الضوء على نقاط مهمة في هذا الموضوع ، وإن كنتُ أرى أن السيد يوسف الصقور هو شخص إداري جيد ، وربما أيضا هو رجل مالي وعلى اطلاع ومعرفة في كثير من الأمور .. راجيا منه استغلال معرفته وخبرته في دورته القادمة ، وحتى في التي تليها - إن شاء الله - مع رجال أتوسّم فيهم الخير معه ، وبعيدا عن إيجاد تبريرات من الآن لأي إخفاق قادم ، واختلاق أسباب مثبّطة وهادمة .
إذا بدنا نفترض حسن النية..إن شاء الله ما بتكون تبريرات لأي إخفاق مستقبلي..
اليوم حضرت مباراة الشباب .. و بصراحة عجبني تواجد الإدارة في الملعب و بين الجماهير ..و مع الدرك لما نزلت الحجار فوق رؤوسنا..نتمنى مشاهدة هذا الشيء على طول
مع الاحترام للجميع
بشكل عام .. إن شاء الله بينتهي موضوع الحكي بالمديونية و بنصير نسمع حكي غير ..عن العقود عن المدربين ... عن الشللية...
نقطة مهمه كثير..أنا مقتنع إنو المديونية مش مبلغ مسروق..يعني طارق و الإدارة السابقه ما حطوا المصاري هاي بجيبتهم .. هي مصاريف مش أكثر..ممكن يكون في تخبيص و جهل بالصرف.. و هاي إن شاء الله الإدارة الحالية بتتجاوزها
أي حالة نفسية تتوقع أن يكون بها لاعبينا وهم يسمعون هذه الأخبار ؟؟ مهما حدث يوم الجمعة لا تلوموهم !
اسمح لي أن اتحدث في هذه الجزئية فقط من الموضوع الذي قد اتفق واختلف معك في بعض نقاطه
بدون مقدمات
ما في عذر لأي لاعب ولا للجهاز الفني يوم الجمعة مهما كان السبب
بالنسبة للاعبين
إذا راتبه واصله ومكافآتة على داير مليم محصلها شو عذره..؟
يفترض في اللاعب يلعب للإسم والرمزية اللي حاملها مش لحصالة المصاري هذا على افتراض انو الوحدات لا قدر الله قصر في دفع الرواتب لشهر أو شهرين وثلاثة زي ما بصير مع الأندية الثانية.
هسا مش مزايدة ولا عندي استعداد أتجنى على اللعيبة
أكيد لازم يوصلهم راتبهم وكامل حقوقهم حتى تكون امورهم تمام وما في الهم عذر للتقصير
بس ما بصير اللاعب يفكر النادي مديون يعني احتمال بعد سنة ما اقبض راتبي إذا انا نفسيتي مدمرة وما بقدر أعطي في الملعب.
قبل هيك ما سمعنا عن المديونية وما تأخرت الرواتب ومع هيك لعيبة الوحدات خذلونا
والله العليم أغلب الي ردوا على الموضوع ما قرأوا شي ...
بصراحة كلامك سليم 100% العالم كلها بتتصيد في الوحدات و هو نازل المديونية و المديونية ...
لما تحالف مع كتلة جلها من الإدارة السابقة و مش اي أعضاء كانوا لا أعضاء عليهم الف علامة استفهام ما كان يعرف أنه أغلب الجماهير ضد هدول الاشخاص !؟
ما كان شايف شو بشتغلوا هدول الأشخاص !؟
و زي ما تفضلت أنه لو نجح كمان واحد من كتلتهم كان ما اختلفنا عن زمان شي بس ممكن للاسوء ...
الوحدات لسا أمامه جائزة الكأس اذا اخدها راح يجي 75 الف اتوقع ...
قدامه بطولة اسيا اذا اخدها مليون دولار و باقي ما تبقى خليهم 100 الف من عقود و اجارات و ريع المبارايات المتبقية و و !!!
كل هدول بصير في فائض من الإدارة مش نقص !!!
و فعليا كيف حسب الموسم القادم مع الي فات شي جدا غريب !؟
ما بعرف اذا مقصودة أو لا لكن على الأغلب مشان زي ما تفضلت كمان انه يحط حجج لقدام و المصيبة انه جمهورنا عاطفي و عاطفي جدا بحكولك لسا ما شوفنا خيره من شره و لما في الفيديو الي انتشر و هو يحكي مع اللاعبين كلهم حكوا اوووه يا هيك الرؤساء يا بلاش طيب و كيف حكمتوا عليه من أول جلسة !؟ ما انتوا ما شوفته خيره من شره لسا !؟ هو اذا عصب شوي و هو يحكي يعني خلص هاد الي بنستنى فيه من زمان !؟
مع احترامي اله و فعليا لسا ما شوفنا خيره من شره بس ما اظن انه يجي رئيس نادي يفيد النادي في بطولات و دعم و يكون ند للجميع مثل طارق خوري و اتمنى يكون أفضل يا رب ...
اخي لسى بكير عالحكي هذا اخي
المديونية ما يتوصل 300 الف
الرجل ما الو اسبوع داخل الادارة
على الاقل نشوف شغلو بالموسم الجاي
يعني ما معاه عصا سحرية يحل كل اشي بلمح البصر
وكمان احنا اتعودنا عالاخفاء و بس الزلمة يصرح و يحكي الواقع نهاجمو
يا اخوان اصبرو عليه
الصقور ترباة بهجت شهاب بتعرفو شو يعني بهجت شهاب .
خلص بكفي طخ عالادارة الجديدة
لا ادري ماهوالوضع المالي بصوره دقيقه ولكن الواضح ان هناك تصريحات يجب ان لا تعلن للعامه الوضع لن ينغير كثيرا دخل 3 اعضاء جدد مع الرئيس ام البقيه هم من الحرس القديم الله يهونها
بشكل عام .. إن شاء الله بينتهي موضوع الحكي بالمديونية و بنصير نسمع حكي غير ..عن العقود عن المدربين ... عن الشللية...
نقطة مهمه كثير..أنا مقتنع إنو المديونية مش مبلغ مسروق..يعني طارق و الإدارة السابقه ما حطوا المصاري هاي بجيبتهم .. هي مصاريف مش أكثر..ممكن يكون في تخبيص و جهل بالصرف.. و هاي إن شاء الله الإدارة الحالية بتتجاوزها
اليوم حضرت مباراة الشباب .. و بصراحة عجبني تواجد الإدارة في الملعب و بين الجماهير .. ومع الدرك لما نزلت الحجار فوق رؤوسنا..نتمنى مشاهدة هذا الشيء على طول
تحياتي يا مديرنا
شو هُوّه اللي بتتمنّى تشوفُه على طــــــــــــول ؟!.
الحجارة فوق روسنــــــــــــا ؟!!!!.
يعطيك العافية اخل "أمل ايلياء" .. اتفق معك تماما بكل ما قلته في موضوعك واحترم وجهاتك نظرك وتحليلاتك ودائما ما تضع يدك على الجرح لكن الاحظ ان مواضيعك التي تنتقد فيها الادارة بوجود الارقام والادلة والبراهين لا تصل الى الكثير من قراء هذا المنتدى , ولا تؤثر فيهم كما تؤثر كلمتين في موضوع آخر لشخص ما يشتم رئيس النادي او المدرب او لاعب معين بعد خسارة مباراة ..!!
وكإنه اصبح القراء هنا والجمهور بشكل عام يبحث عن المشاكل بدون الاهتمام بوضع حلول جذرية سليمة .. فقط نريد ان نغير الرئيس او نبدل المدرب او نحلق للاعب ونجيب غيره بكبسة زر, كيف مين ليش ما بنعرف..!!
لكي أكون معك صادق وصريح , لا اعلم مدى دقة الارقام التي تأتينا بها بكل موضوع لك, لكن يكفيك فخرا ان عقلك نظيف وتستطيع التفكير والتحليل ومحاولة وضع حلول لمشاكل جميعنا نلمسها .. واذا كانت تحليلاتك دقيقة فيجب على شخص مثلك ان يكون متواجدا في داخل اروقة النادي , ف 1+1=2 هي ما تحل المشاكل اما الكلام الانشائي الذي يأتي بعد خسارة مباراة فقط قد يحل مشكلة صغيرة لكنه ابدا لن يبني نادي قوي ينافس محليا وعربيا واسيويا.