بدي أروح أنام بس ظل حكي بقلبي حابب الشباب تسمعه وتفهمه ، أول شي ما بصير نتهجم عبعض كجماهير وأخوة في المنتدى ، وما بصير نقيّم انتماءنا حسب آراءنا ومعتقداتنا ، اللي ضد أبو زمع وحداتي شريف غصب عن الجميع واللي مع أبو زمع وحداتي شريف غصب عن الجميع ، بس كل واحد بشوف الواقع مثل ما بقدر وكل واحد عقلاته براسه وهو حر بتفكيره ، يعني أنا ضد أبو زمع بس مش ضد الوحدات ولا ضد أنه ينجح أبو زمع معنا بالعكس اذا نجح أبو زمع ممكن أبوس صباحه ، وبرضو كمان اللي مع أبو زمع ما يفكروا لبعيد أنه احنا إلنا برنامج خارجي وإملاءات " مشبوهة " وما بصير يحتكروا حب النادي وللأسف في منهم ما بدوا ايانا نفرح اذا نجح أبو زمع ... والله حاله ..!!
فأنا وأنت كمتعارضين بالأفكار لا يعني أننا متخاصمين ولا يعني أننا في معركة بل يعني أن لنا وجهة نظر مختلفة وكل شيئ غيبي لأننا لا نعلم ماذا يخبيئ لنا المستقبل ، نتحدّث عن الأمس ونتحاور نبقي مختلفين ولكن لا نبقى متخالفين .
من الممكن أن تحدث بعض التجاوزات هنا وهناك وهذا يحدث ولكننا نود أن نكون مميزين ، حب الوحدات يطغى على كل شئ فتارة نرى أخ بزيدها حبتين بس اجمالا هو وحداتي .
وعليه .. ومن موقعي اللي مش عارف هو فين .. وبكامل وعيي " قبل ما أنام " .. أعلنها أنني زمعاوي فأشدّ على يديه وناقدا له لعل الله يلطف فينا ونفرح جميعا بدوري طال انتظاره .
صباح الخير
انا صاحي من الفجر
بس بدك الصراحة من بعد الخسارة مع ريال صريح أو اف سي صريح او انتر صريح او صريح سيتي او صريح يونايتيد" والالقاب يستحقها الصريح بجدارة" يعني مش بتمسخر عالصريح.. من بعد هالخسارة وانا مولع وشايط وحاسس حتى اخلاقي الرياضية وألفاظي صارت بالحضيض ... هاي الخسارة رجعتني لورا 30 سنة... ايام ال 16 لما كنت أزعر ومشكلجي ولساني زي الزفت
يعني من يوم الخسارة وأنا حاسس بدي أفقع
وصدقا انا مش ضد ابو زمع ولا ضد أي لاعب
بس الصراحة
لا ابو زمع بيصلح للوحدات .. وفي لاعبين في الفريق بدو الواحد فيهم دعس على راسو ..
أنا كمشجع مشاعري وانتمائي للوحدات مش لعبة بيلعب وبتسلى فيها .. انا بشجع وبحرق اعصابي من حبي للوحدات وإذا اللاعب ما حب الوحدات زي ما بحبو واعطى من كل قلبو يروح ينصرف برا النادي احسن ما اخبط على راسو
انا لست مع ابو زمع في تدمير الفريق
وغير مقتنع في ابو زمع كمدير فني لانه بصراحه مفلس فنيا
ولن اكون من السحيجه والمطبلاتيه لشخص يقودنا الى الهاوية
الى متى سنبقى نضحك على انفسنا ونطبل لشخص فشل فشلا ذريعا مع الفريق
واصبح الفريق تحت قيادته يقدم ادنى المستويات
ماذا ستكون ردودكم عند الخروج من بطولة الكأس امام ذات راس والتي اصبحت مسألة وقت؟
وماذا ستكون ردودكم عند الخسارة امام الفرق المتواضعة؟
اتمنى ان اكون مخطئا في تقديري وتوقعاتي
ولكن مع ابو زمع مش حتقدر تغمض عينيك
كفاكم تسحيج وتطبيل لشخص فشل بكل المقاييس
وفعلا اثبت طارق خوري انه زلمه لانه عارف انه معارضتكم معارضه مزيفه لسويعات وبالتالي بينفذ الي بده اياه
وهائنتم بلشتم تطبيل لابو زمع
بالنهاية اتمنى كل التوفيق للوحدات
يا رجل بنحكيلك من اجل الوحدات لانه خلاص ابو زمع رضينا او ما رضينا هو المدير الفني واذا بدها الشغلة جكر اللي راح يفشل هو الوحدات مش ابو زمع … بعدين احنا عمرنا ما كنا سحيجة لحدا ومواضيعنا قدامك يا رجل احنا نشرنا ابو زمع نشر وجاي تقولي سحيجة زي ما حكيت ابو زمع مع تحفظنا على خبرته الا انه هسة هو المدير الفني ولازم بهالوقت نكون ايجابيين من اجل الوحدات ولا تخاف انتقادنا لأبو زمع ان أخطأ لا زال.
الاختلاف لا يفسد المحبه بين الجميع كلنا اخوة واسرة الوحدات نت وحب الوحدات يجمعنا لكن بنا نتحمل بعض في يوجد العصبي والمنفعل والهاداء وعلى الجميع تحمل بعض لانه باخر شي كلنا اخوه