(هذه دعوة علنية ,,, و لكوننا نحن أبناء الوحدات ,,, أخلاقنا تلامس عنان السماء ,,,, و بتنا قدوة لكل الجماهير الحضارية ,,,من على المدرجات ,,, و خلف شاشات الكمبيوتر ,,,,لنبدأ بهذه الخطوة ,,,,
لا للفرقة بين أبناء الشعب الواحد ,,,, لا لكل مسيء و حاقد ,,,معا لمحاربة العنصرية و المتعنصرين ,,,,,)
بداية اقول ان زيارة جلالة الملك ابو حسين هي رسالة اخرست جميع الحاقدين على المخيم وابناءه , و الذين يتربصون بنا في الملاعب وفي الصحف , نحن اردنيون ولدنا هنا وننتمي للاردن وقلوبنا مع اهلنا واصولنا في فلسطين الحبيبة ,نحب الاردن ونحب فلسطين ونسعى الى رفع اسم الاردن عاليا . زيارة الملك حفظه الله أكدت وتؤكد على اللحمة الوطنية .
كنا نحن دائما وعبر منتدانا نوجه دعوات وليس دعوة الى التمسك بالوحدة و الانتماء ونبذ العنصرية , ولا ولن تجد في اي موقع آخر بالاردن مثل هذا .
انا من رأيي انه مقالك غلطه كبيره جدا , و الغلط موافقة ادارة الموقع على الموضوع
لانك بتعطيهم اكبر من حجمهم , احنا مبسوطين عليهم و كل كلمة عنصرية بكتبوها زيادة رصيد ضدهم
حاب احكيلك انه الكثير من مشجعين الفيصلي قرفوهم و هم السبب في تراجع الحضور الجماهيري للفيصلي
و السبب انه اي مشجع بغض النظر عن اصله بحب يحضر مباراة عشان يستمتع و لما التشجيع بصير عنصري و بجيب وجع راس بخف الحضور الجماهيري و لا ننسى انه كثير من لاعبينهم فلسطينية الاصل يعني هاي بتأثر على اللاعب و مستواه و انتماؤه ,,, و كمان بصير اي موهبه من اصل فلسطيني تبتعد عن فريق الفيصلي ... بعكسنا اسأل المحارمه و الردايدة في بيوم سمعوا كلمة بتجرح من جماهير الوحدات ؟؟ اكيد لأ و الدليل معنوياتهم العالية و حبهم للوحدات
الحمدلله الوحدات علاقته ممتازة مع اندية اخرى و جماهيرها و لم يذكر انه كان في حالة اعتداء على جماهير الوحدات في ملاعب الشمال و السبب اخلاق جمهور الوحدات و جماهير الوحدات في الملعب و المنتديات كل مواضيعها رياضية بحته و اهتمام بكل صغيره و كبيره في النادي و اخر همها الامور الفرعيه التافهه
خلينا هيك اصحاب اخلاق و فاتحين قلوبنا لكل واحد بحبنا و بحترمنا و بالنسبه هل احنا فلسطينية او اردنية الجواب احنا اهل و اخوه بغض النظر عن الاسماء لانه كلنا بالاردن من اكناف القدس و الله بارك فيها و ليش ننزع البركة بالعنصرية
صدقني ثلثين لاعبيتهم نفسهم يلعبوا بالوحدات لانه نادي مثالي و جمهور مثالي و طيب و عفوي