يا ريت الأخوة المشرفين وإدارة الموقع وكبار الأعضاء وكل من له تواصل واتصال مع أعضاء مجلس إدارتنا يشوفوا هذه الطلبات ويتساعدوا مع الادارة في تذليل هذه الصعوبات ، وفي نفس الوقت نتمنى من إدارة نادينا الكريمة توخذ هذه التوصيات وهذا التواصل بعين الاعتبار ويكونوا متواجدين كلهم في قلب الحدث يوم المباراة ومنذ بداية توافد الجماهير .. يا ريت تحسسوا الجماهير إنكم معاهم في ذلك اليوم ومع معاناتهم في كل ما يواجهوه في مثل هذه المباريات .. عسى الله أن يُمكنكم ويقدركم إنكم تسعدوا وتساعدوا هالجماهير وتهيأولهم الجو المُريح والمُرضي للمشاهدة والتشجيع في هذه المباراة ..
موضوعك أخ شادي على بساطته إلا إنه رائع وجاي بوقته ، لا بل قبل وقته كمان ، بحيث نرجو أن يعمل الجميع على ما جاء فيه !!..
المطالب إللي لسانة انهرى من كثر ما عدنا وزدنا فيها صارلنا سنين بعد كل مباراة اتحداك تعال شوف شو بنكتب
شغلات بسيطة اقلك مسامحينهم بدناش ندخل قناني الميّ بدنا نضل عالعطش
مع اني مش عارف على شو بتأثر وبينا وبينا الملعب دونم
وبلاش القشاطات ( الاحزمة ) مسامحين فيها بدناش نلبسها بدنا نيجي بالبيجامات عالملعب
بس عالاقل يفتحوا كل الابواب في مباراة فيها زخم بتصير بالسنة مرة !!
بدل ما الادارة كلهم حاطين رجل على رجل ونايمين في المنصة والواحد ابتسامته من الذان للذان للكاميرات
واحنا طابور الثانية بكون واصل لبوابة الاولى وبكونوا يرصوا فينا باتجاه الحيط تقول قطيع غنم واقف
طنيب على الله والله زهقنا هالروتين يتحركوا يعملوا اشي هذا واجبهم مش منية منهم مهو ريع تذاكر المباراة مش رايح لجيبة جدتي مهو رايح للنادي وادارة النادي !!
كلام في غاية الأهمية
مع العلم أنني غير متفائل في أن تقوم الإدارة بأي خطوة مؤثرة بهذا الخصوص
وكان الأجدر أن نوجه رسالة جماهيرية لرئيس الاتحاد سمو الأمير علي نشعره فيها بما تتعرض له الجماهير الوحداتية من ضيم ومضايقات دون غيرها من الجماهير المحلية!
بدنا نشتري تذاكر قبل المبارااااااااااااااه ويفتحو كل البوابات الاولى شمال والاولى يمين والثانيه مع بعض مشان ما تسير ازمه مش يستنو تفلل الاولى يمين بعديها يفتحو الاولى شمال والله هيك بنتخوزق
48 ساعة على لقاءنا مع الكويت والادارة لم تتخذ موقف واضح بالنسبة لدخول الجماهير بشكل يضمن اولا كرامتها على الابواب وراحتها بالدخول ....يجب ان لا ننسي بان هناك اطفال ونساء ومنع دخول الماء عند الدخول امر غريب وغير مفهوم!!!!! الف تحية لجماهير الاخضر الرائعه, ونتمنى تواجد ابو سعدو لقيادة الجماهير على المدرجات ....
بعد كل مباراة جماهيرية لفريقنا بنروح من الملعب نتشكون من الدرك واجراءات التفتيش وعدم تسهيل عملية الدخول وقضايا كثيرة بنيجي بنطرحها بعد كل مباراة كل واحد منا عارفها ومجربها كمان !!
((( الغاية من موضوعي بإختصار )))
ليش ما نضغط على الادارة من الآن تحل هالمشكلة قبل المباراة مش بعدها !!!
حقنا كجماهير انه ادارتنا اتأمن كل سبل الراحة إلنا وابرزها
* فتح كل ابواب الملعب للدخول مش ننحشر كلنا على باب واحد والدور واصل الكراجات
* وحقنا ما تنتفل نص ملابسنا في التفتيش والتدقيق والتمحيص
* وحقنا ما نشتري تذاكر سوق سوداء
يا ريت توصل هالمعلومة للمعنيين قبل المباراة مش بعدها
في الاجتماع التحضيري للمباراة رح تكون الجهات الامنية حاضرة
يا ريت تكون هالقضايا على راس القضايا المطروحة من الادارة
بتهيألي مش صعبة !!
و السلام
ابسط مطالب واذا الادارة ما بتنقل هذه المطالب البسيطة للجهات الحكومية المختصة بالمباريات وتتابع تطبيقها.....يروحوا يبسطوا ببسطات فجل بالشارع العريض بالمخيم افضل من استلام هذه المناصب.
يا عمي خلي اللجنة الاعلامية تسوي تقرير خاص ومصور عن معاناتنا هالمرة
اتمنى من ادارة الموقع وادارة الوحدات ان توافي الجماهير الوحداتية بعد كل مباراة شريط فيديو عن اجواء المبارة خارج الملعب قبل المباراة وبعدها والتقاط بعض اللقطات الجميلة للجماهير بداخل الملعب وهتافات الجماهير من الفريقين والتي لا تسطيع كاميرات البث التلفزيوني بثها عبر التلفزيون.
48 ساعة على لقاءنا مع الكويت والادارة لم تتخذ موقف واضح بالنسبة لدخول الجماهير بشكل يضمن اولا كرامتها على الابواب وراحتها بالدخول ....يجب ان لا ننسي بان هناك اطفال ونساء ومنع دخول الماء عند الدخول امر غريب وغير مفهوم!!!!! الف تحية لجماهير الاخضر الرائعه, ونتمنى تواجد ابو سعدو لقيادة الجماهير على المدرجات ....