همسة محبة ،،
هذه الهمسة هي لابننا الجديد واللي أتمنى أن يبقى معنا لموسم قادم وقادم وآخر بعده ، لأننا عارفين شو هوِّه وشو معدنه وشو هيِّه فنياته .. حمزة الدردور :
أنت شايف يا كابتن حمزة ، أغلب اللاعبين اللي طلعوا من عندنا سجّلوا فينا ، مِش عيب ، ولا غلط ، ولا نكران للجميل ، ولا خيانة ، ولا تشفّي ، بل رجولة وأخلاق وشكل آخر جميل من أشكال الانتماء وإثبات ذات .. واضحة كثير يا كابتنّا الغالي أنك ما بدّك تسجِّل في الرمثا ، أو على الأقل ، ينعكس تأثرّك بعدم رغبتك بالتسجيل في مرمى الرمثا على تفكيرك وعلى عقلك الباطن ، فيتحوّل هذا العامل النفسي إلى سلوك تلقائي تنفّذه أعضاؤك في عالم اللاشعور عندك .
حبيبنا الدردور الكوبرا .
الله يمسيك بالخير ،، والله بحبك في الله ،، هاي مشاركة كتبتها بين الشوطين في موضوع البث المباشر مُقْتَبِسَاً رد احد الاخوة اللي يأمل ان نكون ايجابيين طالما اننا نفوز
اقتباس:
المشاركة الأصلية كتبت بواسطة محمد القلقيلي مشاهدة المشاركة
يا اخوان .. استحلفكم بالله
بكفي بث سلبي
طب استحلفك بالله الدردور هذا شكله شكل لاعب بدو يجيب جول اضاع 3 فرص منها ثنتين خيالية وكانه متعمد عدم التسجيل في الرمثا الا بركلات الجزاء ،، وبدون اي ردة فعل او انطباع عن ندمه لضياع الفرصة وكانه النتيجة 7 - 0 ،،، هذا هو الدردور تبع الرمثا اللي كان لما يقعد ثلاث مباريات ما يجيب جول يحرد ويبطل يلعب من كثر حبه وحرقته ،، طب بلاش لما اجا الجول شفت ردة فعلهم وكانهم في حصة تدريب ،، الروح كما تفضل اخونا الكبير جمال النشوان وانا موافقه بشدة لكن مع بعض الرتوش الفنية التي لا بد منها النقطة جوهرية احنا بنلعب بالروح والمعنويات وينها هاي ؟؟؟ حداد بالمباراة السابقة كنت في الملعب الهدف الاول لما اجا حرك الصنم ولم يحركه وكانه عارف او انو بحضر بمباراة اعادة وقيس عليه فهد ( بعرف مستواه خرافي ) والدرودور وما يسمى بابناء النادي ،، فش روح وعتبي كبير جدا على جمال محمود بنقاط مهمة جدا اراها بس رح اظل ساكت تنشوف اخرها احتراما للكابتن ابو البهاء اللي احترمه كل الاحترام
الى هنا انتهت مشاركتي السابقة
الكابتن ابو البهاء عاتب عليه بشكل كبير عقد محبتي واحترامي الو زي ما حكيت وبدي احكي وحدة من الاشياء اللي قاهريتني وكتمتها بس عشان ما ينحكالي اني بس بهبط معنويات وما بعجبني العجب ف ،،، بدلاً من تهذيب الدردور بطريقة فيها حنكة وذكاء باخراجه فور اضاعته للفرصة امام المرمى الخالي او حتى بين الشوطين ليوصل رسالة للدردور ،، بالعكس شفناه بدله بعد الشد عالدقيقة ٨٠ تقريبا وابتسم في وجهه وكأنه يسانده ويحمسه لانه لم يفلح بالتسجيل