تماما ابو احمد
هنا مربط الفرس نادي الوحدات ملزم ادبيا واخلاقيا باصلاح ما يتسبب من تلفيات دون تعهدات
نادي الوحدات اكبر من كتابة تعهد ونادي الوحدات ليس نادي من خارج الاردن لكي يكتب تعهد
فلماذا تصر الاداره على تقزيم نادي الوحدات في كل مناسبه
اكرر كلامي عندما قاطع الوحدات مباراة الفيصلي سمو الامير قدم ضمان بعدم المساس بالجماهير وعليها عاد الوحدات للعب
لماذا لم تتم مخاطبة سمو الامير بشكل شخصي للتدخل في هذا الطلب الغريب العجيب
ما تعهدت بها الادارة هو اقرار بان جماهير الوحدات من ال" الهوليكنز " وهو برايي مرفوض نصا ومضمونا
بعقد مؤتمر صحفي واجيب عاليها واطيها علي هيك طلب وما بدي هالمباراة اللي رح تخلي ننكس راسنا
بقيم المباراه في ملعب الوحدات وانصب شاشات ضخمه للجماهير ولا احط واطي لهيك طلب
ادارتنا جابت النادي اكتاف بادائهم الهزيل
أخي وصديقي وعزيزي تامر ..
ترى أنا ما بزهق من النقاش ، وخاصة لما أكون مالي إيدي من اللي بحكيه ..
ولما يكون اللي بناقشُه عزيز وغالي .
أنا شايف إنّـو إدارتنا في هيك موقف وبعد ما وضّحتُ لك أمورًا كثيرة عن حيثيات هذا التعهد ، كانت قمة في العقلانية ، وبالعكس .. فهي ما جابتش النادي كتاف ، لا بل هي خلّت راس النادي اللي بين كتافه في العلالي ، وكذلك فهي قدّرت واحترمت رغبة رمز من رموزها بإنجاز مهرجان وتكريم - وإن كان يستحق أكثر منهما - وبإتمام نجاحه على وجه مُرضٍ وبطريقة لائقة ..
إحنا مش عالفاضي والمليان بدنا نظلّ حاطّين Gــرداتنا عـ طحينات الإدارة ، أي والله منظرهم مبارح بيرفع المعنويات والراس والكتاف للسما في حفل تكريم شلباية اللي نظمته مجموعة أبناء المخيم بالتعاون مع لجنة تحسين المخيم وفي مقرها في شارع سمية وكان حضورًا بيشرح القلب ، ثمانية من أعضاء مجلس الإدارة حضروا ، والثلاثة اللي غابوا أكيد معهم عذرهم ... هذا غير رموز كبيرة ، وكبيرة جدا من لاعبين قدامى وإداريين تم دعوتهم ، أو الأصح هم أجوا لحالهم بمصاحبة أصدقائهم من أعضاء مجلس الإدارة الحاليين تقديرًا وعرفانًا لقيمة أخ وابن وزميل لهم ......
أعطيني إدارة نادي في كل الأردن بتعمل اللي بتعمله إدارتنا مع لاعبيها في هيك مواقف ؟!.
لاعبين في أندية أخرى معتزلين صارلهم خمس سنين وعشر سنين دايرين يدوّروا على راعي وِلّا على داعم ، وولا واحد من إداراتهم إطَّـلَعِلهُم ولا قلّهم بيش ولا بقدّيش !.
إحنا غير ، إحنا غير وعشان هيك بيحاربونا وبيضعوا العراقيل في طريق أي عمل بيقوم فيه النادي ، وعشان هيك كلامك هذا يا حبيبي تامر أنت وكلام غيرك الذي يحمل نفس المضمون ، المفروض يتوجّه للّي بيستاهلُه ، وأنا مش شايف أن مجلس إدارتنا بيستاهلُه ، لا بل إن أعضاء مجلس إدارتنا بيستاهلوا كل خير وكل شكر وكل تقدير .