شاهدت الشوط الثاني فقط من المباراة لظروف خارجة عن ارادتي
ورجعت شاهدت الملخص كامل..... ابارك للوحدات وللجماهير التي كانت حاضرة وبقوة....
_ فريق الاهلي جاي المباراة وطموح التعادل والحصول على نقطة.
_ دفاع 11 لاعب لم أشاهد الفاخوري غير في مرة او مرتين.
_ الاهلي كانو مندفعين جدا ومنرفزين أخدو بطاقات صفراء
حتى الدكة اخدو بطاقات وحتى الجهاز الفني
كأنهم بلعبو نهائي أو كأنو جدا احكيلهم عطلو الوحدات وإلكو مكافأة.
_ فرص بالجملة وفرص سهلة جدا. والصراحة استغربت من هنري
مش نفس اللاعب اللي لعب مبارتين السوبر... هاي مش فرص هاي انفرادات سهلة وانت محترف المفروض افضل من اللي عنا، اشدنا فيك في السوبر بس اليوم بدنا نقرصك يا هنري. لأنه الفرص اللي ضيعتها ما بضيعها لاعب صغير أو هاو فكيف انت يا محترف.
_ دفاعنا وحارسنا لم يختبروا.....
_ حارس الاهلي ومباراة الاهلي ذكرتني بمباراة الدرع مع معان شلال فرص ورشيد رفيد كان بوفون.. وحارس الاهلي حتى انو حاول تأخير رمية التماس لانو المرمى خالي. اتمنى نشوفك هيك مع باقي الفرق وخاصة اللي بالي بالك.
_ العوضات وهنري والبقية استهتار وتلكؤ.... مش معقول لو ما سجل بوجبا الهدف من الكرة الأصعب. كان الوضع سيء ... الاهلي شوط كامل منقوص لاعب بعد الطرد.
الاهلي ما لعب وهو 11 لاعب..... لازم أنهينا الشوط الأول..
خفت من سيناريو مباراة معان الدرع تنتهي تعادل وهاي أسوأ بداية للوحدات بتعادل مع الاهلي الصاعد من الأولى ومطرود منهم لاعب...
عالسريع داركو .... بالرغم من انه الاهلي لعب دفاع داخل المنطقة الا انه الفريق عمل كثير هجمات و فرص وهذا شيء جيد وممتاز مع الفرق الدفاعية ولكن انهاء الفرص سيء جدا... هاي مباراة راح تتكرر كثير مع الفرق اللي راح تلعب دفاع ومش كل مرة بتسلم الجرة.... كنا على اعصابنا بعد هدف بوجبا لانو كرة القدم فيها مفاجآت وخفت بصراحة من التعادل بأي لحظة...
مش عارف بصراحة كل ما اشوف فرص هنري الضائعة أمام الاهلي بتذكر محمد انس.... وبصير عندي إحباط... مش معقول هاي فرص تضيع من محترف. خاصة اللي بالرأس ولا كانو لاعب كرة قدم اتمنى اكون غلطان
شكلو هنري بالكرات الهوائية سيء