بداية الحمد لله على الفوز الغالي وحتى لو كان بصعوبة المهم ال3 نقاط لانه لو لم يتحقق كان يمكن القول بأن فرصة الوحدات بالدوري معدومة.... ولكن هناك بعض السلبيات والملاحظات والايجابيات على ما شاهدناه في المباراة وسنبدأ بالسلبيات والملاحظات
1_ الوحدات من بداية المباراة عليه ضغط كبير ومطالب بأداء ونتيجة خاصة بعد فوز الفيصلي بالخمسة على السلط ومعان اللي هو أكثر فريق تلقى أهداف.
2_ مدرب معان ما شاء الله مركز طوال المباراة وشاد حاله من بدايتها.
3_ كالعادة تألق لافت لأسماء حراس المرمى ومدافعين الفرق الأخرى فقط أمام الوحدات .
4_ معان يلعب 11 مدافع حتى أننا لم نشاهد احمد عبد الستار فقط في مشهد او اثنين.
5_ بطء شديد للاعبي الوحدات في الانتقال من الدفاع للهجوم وكمية تمريرات كثيرة تضيع الوقت وتقتل الهجمة وتعطي فرصة لمعان للتمركز الدفاعي.
6 _ لاعبي الوحدات كانو خايفين اكثر من معان من أرضية الملعب والاصابات.
7_ ابو عمارة ما قصرت بالمباراة ولكن انت بتحكي اصبرو عالفريق ياعمي الدوري بأخره مش بأوله عشان نستنى ونصبر والمباريات الاقوى لسة ما إجت.
8_ احمد سمير يارجل شو صايرلك من بعد أبطال آسيا انت حاضر غايب.
9_ ابو بكر ديارا محترف عن جد !! ما شفنا منه أي اشي قال إيش هاي اختيارات وتوصيات جوميز يعني لاهو عارف يلعب ولا المدرب عارف يلعبو بمركزه وشكله حتى لو لعبو بمركزو مش هاللاعب الخارق والدليل بس تم تبديله تحسن الفريق.
10_ الوحدات حيرتونا إما أنانية من جميع اللاعبين يعني في مباريات سابقة الكل بدو يسجل من أماكن صعبة وكان الأفضل انه يمرر ... لكن مبارح كانو يتعازمو وفي أكثر من مشهد داخل وخارج منطقة الجزاء مع تمريرات داخل خط ال6 ما كان في تسديد ابدا بإستثناء تسديدة بيتانج.
11_ معقول كان احمد سمير افضل من سريوة عشان هيك تم تبديل سريوة... والله سريوة انه لعب وكان محروق دمه وعنده حرارة وأكل كرت اصفر لانه محروق دمه.. ومرر تمريرة رهيبة للقنبر.
12 _ كمية الضغط الموجودة على اللاعبين والادارة ظهرت باحتفال محمد جمال بالهدف.
13_ لو لا سمح الله القنبر تعرض للإصابة شو الوضع؟
14_ ابو حشيش أمس أسوأ مبارياته واضاع فرصة على باب المرمى.
15_ الدميري مع الحسين والرمثا والفيصلي لازم ما يلعب لانه مبارح في أكثر من كرة ربنا سترها معنا ولانه معان ما هاجم ولا مفكر يهاجم... ولكن الدميري ما بقدر يجاري مهاجمين الحسين والرمثا والفيصلي الصغار بالسن صواريخ.
الايجابيات. :
1_ الوحدات لم يستسلم وضل يحاول ويلعب لآخر نفس حتى تم تسجيل الهدف.
2_ للمرة الأولى الوحدات الشوط الثاني افضل من الاول.
3_ رغم صعوبة اللقاء والغيابات ولعب معان ب11 مدافع الا انه الوحدات صنع كمية فرص ولولا تألق الحارس وإستماتة المدافعين كان سجل الوحدات اكثر من هدف.
4_ العوضات بأسوأ حالاته افضل من ديارا مع محمد انس مع كاسترو. مجتمعين العوضات كتبت سابقا وبرجع بحكي مع اخطاؤه السابقة بضل مشاركته مهمة ولاعب مقلق وبأي لحظة ممكن يسجل او يمرر اختراقات ومراوغات وسرعات مع ابو عمارة الفريق اختلف كلياً. ومبارح لعب كظهير وجناح.
5_ الجماهير رغم عتابها للاعبين الا انهم شجعو لآخر المباراة.
6 _ تبقى 5 مباريات جميعها على ارضنا وبين جماهيرنا.
7_ فترة توقف يجب استغلالها لإصلاح ما يمكن إصلاحه.
8_عجبني حب وغيرة المدرب عماد خانكان على الوحدات في الاستوديو التحليلي وصراحته بانتقاد المدرب جوميز ورسالة منه لإدارة الوحدات بضرورة تغيير المدرب وذكرها بصريح العبارة ابو زمع....
بصراحه ديارا محاكمه من احضره اولا مستواه عادي جدا وثانيا المركز الذي يلعب فيه موجود لاعبيين مميزين وبكثره عنا اربع اجنحه ممتازين ابو عمارة والعوضات وابو طه وخالد عصام وكلهم افضل من ديارا