نفسي اعرف مين واسطته وقديش اله مع المنتخب معقول كل مدير فني لازم يكون اسامة طلال مدير إداري. ما حدا بفهم غيره؟. وواضح انه اله دور في الأمور الفنية مش بس الإدارية يعني. واضح التحفيز والميرل الناداوي...... يعني 6 من الفيصلي غير المحترفين. والفيصلي مركز رابع. كيف لو الفيصلي متصدر؟؟
ما في عنا في البلد ناس بتفهم بالإدارة غير اسامة طلال..........
يعطيك العافيه اخي حازم ،،
اسامة طلال ليس له دخل بالتشكيله و جلسنا مع كثير من اللاعبيين من شتى الأنديه واخبرونا انه شخصيه محترمة وخلوقه
التشكيله والتكتيك يتحملها المدرب خصوصا ، وما حذرت منه بموضوعي حدث والأدهى لاعب مثل شراره لا يوضع حتى في الكشف
ولنكن صريحيين قليلا بدون تعصب ،،
ما هذا الذي يفعله بهاء فيصل معقول احتراف ومصاري وملاعب ومثل ما هو في الفكر ، يعني رأس حربه في 40 دقيقه تأتيه 4 فرص حقيقية يسجل واحده ويضيع ثلاث بإستهتار عجيب و كل ما يصعد لكره مع مدافع بستخدم يده وغير شاعر أنو ضربه ؟؟؟؟
وبالنسبه للاعبي الغريم الصراحه ما قدمو شي سئ الخط الخلفي كان افضلهم واقواهم مع الحارس
وللامانه خليل بني عطيه ابداع ما شاء الله
نور الروابده فخامة في الاداء وكم أتمناه وحداتيا
يا اخي هذا مش منتخب
اي نادي بالاردن كاداء افضل منو
حتى لو اتدخل اسامة طلال شو يعني
بس الكارثة تأخذ 30 لاعب شباب جدد وما تلاعب الا القديمين او الختيارية او اللي حافظين اسماؤهم
لو انا كنت واحد منهم رح ارفض لو استدعاني للمنتخب عشان بس اقعد اتفرج
بس لاعبينا بنبسطة يقول لاصحابهم سافرنا وقعدنا بفنادق وبوفيه مفتوح بشوفوها قد الدنيا
بس عزة وكرامة مفقودة
اعجبني ذات يوم الزواهرة حين استدعاه للمنتخب ولم يلاعبه مباشرة انسحب وعاد للاحتراف واعلن ذلك علنيا
فتت على فيتال كذا مره وحطيت له نقاط الخلل اللي بالمنتخب
وقلت له انه اللعب بنفس التكتيك راح يخلي المنتخبات الثانيه ترصد فريقك وبالتالي ستقف عاجز عن مجاراتهم لانهم عارفين خطتك ومفاتيح اللعب عندك،
ذكرت له انه لاعبي الهجوم عندك يفتقدوا للتخليص، يا عمي دربهم على عمليات التخليص بالمرمى بعد تكتيك ان وجد او تمريره ، بينفرد اللاعب وبعرفش يهدف! هون في مشكله.
وذكرت له اللي فيه النصيب، بالاخر صكني احلى بلوك، مع اني بتكلم معه بأدب وذكرت له انا مش بأملي عليك املاءات، انا فقط متابع وشايف في خلل، يا ريت كمدرب تتقبل مني هذه النقاط وتشتغل عليها.
لكن للاسف فيتال قمعي ما بيقبل اي نقد او اي ملاحظه حتى، ومساعده مثله,
بالنسبه لبهاء فيصل، ونقطه القفز والاشتراك مع اي لاعب، يفترض ايدك تكون خلف اللاعب مش على وجهه، ولا تستند عليه ولا تدفشه من خلف ولا تقرب منه فقط اشترك بالرأس في قطع الكره ولا تفوت براسك على راسه بقوه لانها مخالفه خلي راسك على الكره فقط. حتى لا توكل انذارات.. وهي نصيحه لباقي اللاعبين.