أنا أرفض تماما أي تصرف كهذا الذي حصل، وأستنكره .. لكن، ولا إِلُو خَصّ هذا التصرف بتشتيت ذهن اللاعبين وإفقادهم تركيزهم..!.
بالنسبة لشفيع .. الـ شُـوه والآكشن اللي بيحب يعملهم وحركاته اللي دائما بيعملها وخاصة أمام الفيصلي.
وبالنسبة للاعبين، برضو الموضوع مِش فقدان تركيز .. لا، الموضوع انعدام المسؤولية وعدم احساسهم بقيمة ناديهم وبقيمة جمهور ناديهم .. وأقول جمهور ناديهم، مِش جمهورهم عشان ما يسوقوش فيها .. الفيصلي كانوا يسوّوا فينا أكثر بكثيــــــــــــر من هيك، ما شفناش لاعبيهم فقدوا التركيز، ولا صاروا يتهبّلوا، بالعكس الحركات هاي من جماهيرهم كانت تزيد لاعبيهم حماس وتدفعهم لمزيد من الروح القتالية داخل الملعب، وتزيدهم كمان مْقاهرة ومْداقرة ومْناكدِه ولؤم وخبث كروي، بَسّ الحافظ الله .. لاعبينا مثاليين زيادِه عن اللزوم .. مثاليين مع الكل، إلا مع جماهيرهم، أو بالأحرى مع هذه الفئة من الجماهير اللي رمت قناني المَيّ البلاستيكية،، يا عمّي ما دامكم حسّــاسين لهالدرجِه يا لاعبينا الأشاوس، ونفسيّاتكم بتتأثر من هيك تصرفات - رغم إنها مش أول مرة - معناتو اعتبروا هالفئة من الجماهير هم جمهور الفيصلي، وردّولهم الصاع صاعين واثبتوا لهم إنكم زلام ..
اولا هذه حجج فارغة خرج بها رواد الفيس بوك تحديدا
اغلب لاعبينا نايطين
قسما بالله يا رائد عساف انك بتفهم لما حكيت نص هذول حرام يلبسوا الكلر
طلعولنا الصغار مزع يمزع الادارة والفريق معها
اللي بفهمه العين بالعين ما دام فش اتخاد وقانون ينصفنا كما فعل اتحاد الفيفا.
والحكم برضه ما كنش ع مستوى عالي كما تتغزل به الصحف والاخوة العادلين المنصفين اللي جالطيني هون ... كان كما عهدناه باخطاء قاتلة مؤثرة، خطا قاتل بعدم طرد الحارس وتغاضيه عن جحشنتهم .
اخي العزيز قابل السيئه بالحسنه ولنرتقي بأخلاقنا
يا جماهيرنا الحبيبه لنترفع عن هكذا تصرفات
واقول وبكل صراحه 50% تعادل الفريق( خساره) سببه الجماهير بسبب هذا تصرفات الغير مسئوله مما ادى الى شحن اللأعبين سلبيا وليس ايجابيا
لنرتقي بالتشجيع
مع اعتراضي على مثل هذة التصرفات التي لا تليق بنا كجمهور وان الأنجرار الى مثل هذة التصرفات يفقدنا حق نقد الغير ولكن ان تكون شماعة التعادل هذة المرة هي الجماهير فهذا غير مقبول