فريق متهالك ... جمهور كبر روس اللاعبين ... سقف التعاقدات كثير عليكم ... ادارة واقعة
فريق متهالك ... جمهور كبر روس اللاعبين ... سقف التعاقدات كثير عليكم ... ادارة واقعة - فريق متهالك ... جمهور كبر روس اللاعبين ... سقف التعاقدات كثير عليكم ... ادارة واقعة - فريق متهالك ... جمهور كبر روس اللاعبين ... سقف التعاقدات كثير عليكم ... ادارة واقعة - فريق متهالك ... جمهور كبر روس اللاعبين ... سقف التعاقدات كثير عليكم ... ادارة واقعة - فريق متهالك ... جمهور كبر روس اللاعبين ... سقف التعاقدات كثير عليكم ... ادارة واقعة
السلام عليكم
اخواني لاول مرة ارى نسخة تافهة و متهالكة و مايعة للوحدات ( لا مبالاة , فش مشاعر و احاسيس , الخسارة زي الفوز ) .
مش عارف ليش هاللعيبة عينها قويانة , على مين مركنين .
فريق متهالك
نعم فريق متهالك و اذا في كلمة اكبر من هالكلمة بيكونو لعيبة الوحدات فقط لا غير , نسخة باهتة شوهت سمعة المارد , و جعلت الفرق اللي كانت تتمنى تخرج باقل الخسائر و الاهداف امامنا , من متى بنخسر و بنتعادل مع الصريح , من متى في فريق نقعد اربع سنين و هو يطس فينا , من متى صرنا لعبة بايدين بعض الاندية .
وين غيرة رافت و العموري و علي جمعة و سفيان عبدالله و ابو زمع و فيصل و الجيل اللي حمل الوحدات و ما بيرضو اسمو يتسخ و ينزل الارض .
جمهور كبر روس اللاعبين
للاسف اصبحت حقيقة واقعة انو الجمهور هو من اعطى اللاعبين الضوء الاخضر للتمادي و الغرور و اللامبالاة , مين اللي خلى منذر يطلب 80 الف للموسم , و هو ما بيسوى 30 الف سقف تعاقدات النادي .
انا الان ايقنت انو لعيبتنا كثير عليهم 30 الف , و لازم اقل كمان .
على ايش بتعذبو النادي لما يصير في جلسة للتجديد او التعاقد معكم , على ايش يعني بتصيرو تتدلعو و تتطلبو بمبالغ كبيرة , عالخسارة من الجزيرة مرتين هالموسم , و لا عالتعادلات اللي جبتوها للنادي , و لا ليكون عاللعب اللي اخوي ابو سنتين بيلعب احسن منكو .
على شو بتطلبو مبالغ كبيرة , لا و المشكلة بيصيرو يقولولك النادي الفلاني طلبني و حط مبلغ ضعف المبلغ تبعنا , روحو ركاض عليه , و بسرعة الضوء .
من اليوم و طالع بدناش نسمع كلمة يامن مستقبلو , او لازم نعطيهم ز يما بدهم , و مهي النتيجة لا مستوى و لا نتائج .
الله يسهل عليك يا عساف و اكرم سلمان , كشفتو الامر و مستوى هيك لاعبين .
ادارة واقعة
السيد خوري بعد كل انتكاسة بيطلع و يكتب موضوع , كونو مع الفريق , ساندو الفريق , طيب ما انتو ادارة واقعة و الشللية عمت ضوكو عمي , كل واحد مسويلي فيها زعيم , بدكو نساند لعيبة واقعة , و ادارة متناحرة .
يعني شر البلية ما يضحك
جبتو مدرب بربع مليون , خلوه يشتغل براحتو مش تدخلو بالفريق عالطالعة و النازلة شيل هذا و حط هذا , بس نفسي اعرف مين اللي متحطط على توريس و ضغط على حمد ليجلسو بالاحتياط .
اللعب الوحيد اللي دمو عالفريق و كان مضغوط من مستوى الفريق سباستيان فقط , باقي اللاعبين لا ذمة و لا ضمير .
و بالاخير الله يفكنا من هيك ادارة و هيك لاعبين و يجبلنا ناس حاطة مخافة الله بين عيونها .
بالمختصر المفيد طارق خطاب وسيبستيان والضميري وفادي عوض واحمد الياس
الوحيدين الي رجال بالملعب اما باقي اللعيبة حدث ولا حرج
مثلا رجائي عايد مش عارف مين مصنفو لاعب اصلا
بهاء ما شالله لاعب بس شغل حط راسك بالارض وقول يا هادي
عامر وحسن للأسف زمنكم خلص
شفيع برضو يعطيك العافية زمنك خلص
منذر ابو عمارة لحالو قصة تاسعة وانا من عندي بحكيلكم والله والله الولد خايف ينصاب ويروح عليه عقد السنة الجاي
بصراحة لاعبين فش انتماء
والله فش انتماء
ولك احنا الجماهير الي بنطارد وبنلف كل العالم وراكو لو ننزل عالملعب لنموت عشان الوحدات بس انتو والله ما عندكم انتماء قتلتونا وجلطونا الله لا يسامحكم