على خير وسلامة ان شاء الله لما نخلص من حرب الانتخابات وان شاء الله نطلع بادارة تخاف الله
لماذا يتم تشكيل لجنة من الاعبين القدامى يعني نوخذ من كل جيل برجل او رجلين ويكونوا مشرفين على التعاقد مع اي لاعب محلي او محترف او حتى ترفيع الاعبين من الفئات بحكم خبرتهم مع التنسيق طبعا مع الجهاز الفني
عشان نخلص من قصص هو جاب الاعب وسمسر مع المدرب لانو هو طلب الاعب او عضو الادارة وما شابه من ذلك
نتمنى من الاعبين القدامى ولو مرة وحدة او مرتين بالشهر بزيارة تدريب الفريق والتحدث مع الاعبين بالذكريات والبطولات وغيرها يا اخي والله هاي الشغلة حلوة للاعبين القدامى والاعبين الي بمثلوا الفريق بعد الغربلة طبعا وبتخلق جو حلو
لماذا لا نشاهد الاعبين بعد الاعتزال في المدرجات ؟؟؟
صراحة بعد الاعتزال الاعبين اللعب من الوحدات لماذا لا نرى منهم احد في المدرجات
اتخيل نشوف اي لاعب ما قصر معو النادي ماسك الجماهير وكلها بتهتف وراه وين المشكلة
والله ما فيها شي الا اذا الاعب بعتبرها مش حلوة بحقوا
معقول ما في حق عليه لاعبنا بعد الاعتزال يجي يشرفنا ويتشعتل معنا بالمدرج ولا نسي انو هالمدرج الي رفع اسمو واتغنى فيه
بعرف في منهم كبير بالعمر وممكن الجمهور ما بعرفوا بس مجرد حضوروا للمدرج واجب
اخوانا المصورين يطقوا كم صورة مع الجمهور هيك الكل بصير يعرف انو الاعب فلان كان متواجد بالمدرج
والله هيك بصير تحفيز للاعبين القدامى والاعبين بالملعب
الادارة الجديدة على خير وسلامة نتمنى منكم من خلال المحاضرات للاعبين عرض فيديوهات للمباريات الرائعة للوحدات او مقاطع فيديوا كعامل تحفيز للاعبين قبل اي مبارة
والحرب الي كان يقودها الاعبين القدامى داخل الملعب والقتال من اجل شعار النادي
عرض فيديوهات للجماهير الوفية الي بتتغنى بالوحدات والي كل الدنيا بتتمنى جمهور مثلنا
برغم كل الضغوطات والاساءات والتعكير الي بصير بحقنا
وباذن الله نرجع نشوف منظومة الوحدات كاملة بدون منغصات والكل ايد وحدة يا رب