بسم الله الرحمن الرحيم...
انا مش مدرب ولا لاعب سابق بس والله بتايع كرة قدم بشكل ممتاز سواء عالمي او محلي او عربي...
الوحدات واخخخ على اسم الوحدات اللي صار فريق عادي وممل وشغل امراض للمتابع،،،
شو ناقصنا مشان ننهي الدوري من 6 مراحل قبل انتهاء الدوري محترفين ممتازيين مقارنة بمحترفين الفرق الاخرى،لاعبين محليين الدكة عنا زي الفل،،رواتب اللاعبين كله مدفوع اول باول...
بالنسبه للجهاز الفني والله مش عارف شو بدي اكتب لانه نفسي احكي..بس افهم ليش؟؟؟؟
ليش ما بتشارك احسن لاعبين صغار عندك ولا مخبيهم للعيد؟؟متى بدنا نستفيد منهم؟؟؟
ليش في امس الحاجه للفوز بتضيعوه بتبديلاتكم وبالتشكيله الاساسيه؟؟؟
ليش ما بنلعب بمهاجمين اثنين؟؟؟
ليش ما بتقرؤا الشوط التاني اقلها صح؟؟؟
رجائي عايد شو المشكله انه ما يلعب؟؟؟
محمود شلبايه (الله يعطي العافيه) بس تحسم الدوري بتنزله،،،اليوم لا قادر يركض ولا يمسك طابه ولايهديها حتى(كل الاحترام لشخصه)..
نفس القصه رح نسمع ونقرأ انه اللاعبين ما عندهم روح،،،من خمس مباريات وهمه ما عندهم روح؟؟؟
انا متاكد وانشاء الله قبل كل اشي انه الدوري النا وخاوووووه عن كل الفرق وكل اللي بكرهوا الوحدات..
احنا كمشجعين ومحبين للنادي ارجوكم ارجوكم plz plz ارحمونا صرنا نخاف ونمل ونتعب من متابعة الوحدات..
الحل بنظري عامر وشلبايه ارجوكم اخر موسم لانه العمر اله دور،،باسرع وقت رجعوا حسن وابو عمارة واذا في مجال باسم وزعترة كمان على فكرة ضروري جدا الموسم الجاي يلبسوا الزي الوحداتي..
المهم اكتر من كل اشي بدنا جهاز فني يستثمر كمية اللاعبين اللي عنا احنا بحاجتهم كلهم حتى الحاج مالك،،،جهاز فني عندو خطط بتناسب قدرات اللاعبين
الفرق العالميه 90%من مبارياتهم سواء في الدوري او بطولات خارجيه بعتمدو نفس التشكيله الا اذا كان في اصابات،،،احنا يا رب ساعدنا شككل ولوون حسب الجو..
موضوع اللياقه لحاله قصة ما بدنا نحكي فيه.
والله الحكي كثير وما بخلص...
الله اكبر باذن الله الدوري اخضر.
لا تنسوا الصلاة على النبي صل اللهم عليه وسلم.
شكرا
اخي العزيز اللعيبة والله ما بنقصهم إلا العين الحمرا , اعتقد انه المدرببين ما عندهم الشخصيه القويه والسيطرة على اللعيبه وليس لديهم مبدأ الثواب والعقاب كل لاعب بلعب وبطارد في الملعب على كيفه , وما في كابتن زي رأفت على يمسح الأرض باللاعب على أرض الملعب ويفرض شخصيته على لعيبه, عامر ذيب بقضيها اعتذارات لعيبة الفريق الآخر.
والله يا قرابه اشي بفلق وبسطح, يا رجل رفعولنا ضغطنا وعبوه في كزايز
يا اخوان والله الموضوع متفاقم كل البشر عارفين المشكله والحل الا الادارة اللي عنا..طبعا عاملين حالهم مش عارفين؛؛؛ والله والله بدنا مدرب بس..وينك يا دراغان...
يا رب ما يعملو قصه زي يوم مباراة البقعه،،اه نسيت المدرب ابن النادي وحبيب الادارة.
بس حابب اذكر الناس بواحد كانوا يحكوا عنه مهرج او ممثل ، دراجان تالايتش ، بسبب هذا المدرب كانت الجماهير تغني الشعب يريد منافس للوحدات ،، بس سبحان الله ، وسبحان مغير الاحوال
يا اخوان الفريق بحاجه الى غربله مع المدرب
يكفينا مجاملات مع بعض اللاعبين على شان ابوه موجود
الله يسهل امرك يا ابو زمع كان مش عاجبهم عملك مع الفريق خسرناك