افكار واسئلة حائرة هل فعلا حسام مدرب ؟؟؟؟؟ - افكار واسئلة حائرة هل فعلا حسام مدرب ؟؟؟؟؟ - افكار واسئلة حائرة هل فعلا حسام مدرب ؟؟؟؟؟ - افكار واسئلة حائرة هل فعلا حسام مدرب ؟؟؟؟؟ - افكار واسئلة حائرة هل فعلا حسام مدرب ؟؟؟؟؟
من اللحظة الي استلم فيها حسام المنتخب وانا بقول بداخلي مش مدرب الزلمة وكثير كثير في ملاحظات عليه وكثير ترددت وانذكرت من اعلام او صحافة او محللين بس في امور حيرتني ومش لاقيلها سبب او مبرر فيعني مثلا : * مدرب بيستخدم تبديله الثالت في الدقيقة 62 د شو تفكيره وين شاف هالتخطيط وفي اي دوري يا عالم * مدرب بيختار لاعب بلخبط بالعربي و اعلى مستوى كروي وصله كان الفيصلي وذات راس وبالمقابل عندك في لاعب اوروبي فذ عنده خبرة بالتعامل مع الحكم الاوروبي ولغته كانت الاسبانية هي اشبه بالام بالاضافة الى الانجليزية والعربية والاهم من ذلك مهاجم يلعب بالدوريات الاوروبيه *مدرب بيختار حارس باع حاله لفريق وقفز من لعب الحارة للعب مع الزرق وهو احتياط بفريقه بيكون في مباراة مصيرية وزميله الاساسي الجاهز ع دكة البدلاء *مدرب ما زال بفكر حاله لاعب بيخلق مشاكل وازمات وتفرقة وقسم العرب عربين مش فاهم ليش * وأخيرا مدرب بيصرح ع رؤيا وبيقول انه مباراة عمان هي استكمال للتكتيك والخطة الي وضعت وكان نتاجها مباراة الاورجواي ...مين؟؟كيف؟؟؟متى ؟؟؟اي لا يا شيخ .... خطة يعني مثلا اكلنا خمسة ولعبنا ع التعادل في الرد * مدرب بيمرن لعيبته ع ركلات جزاء شو بتسميه وشو قصده *طيب في حد عنده جواب او تفسير او تعليل ... من الاخر الزلمة من يوم ما سهرني لبعد الفجر وهو قلب طقية راسي