أبكيتني يا مؤمن ..ربما قد تعجز الدمعات عن وصف فحوى هذه القصيدة ...العظيمة والتي تصف أجمل وأغلى شيء في الوجود ..
نسأل الله أن يرحم والدتك الغالية علي خالتي أم أمجد ... وأن يسكنه فسيج جناته ...
شكراً لاختيارك الرائع يا مؤمن ...وأهديك هذه الكلمات من كتاباتي ...:
أتنفس هواكِ
أريد أكتب وادري بوَصْفِك تتعَثَّر
حروفٍ أحاكِيها وحيدٍ بليلِي أعاني
ولو تِدرين ليه وصفِك عندي تِأخّر
وما مِنِ وصوف البشر كِلْها لَفاني
لأنّي كِلِّ ما وصفِك ينكَتِبْ دموعي تتأثَّر
تِطِيح على حروفي وتِمسح بوصفك كَياني
أنا يا بَعِدْ روحي أريد أشرحلك أكثر
ليه البحر على شطِّ عِشقِك رَماني
وليه كِلِّ ما تقسي تلاقيني أحبّك أكثر
لأنّي في حضنك ألاقي كِلِّ الأماني
وربِّي خلّا جنَّته تِحت أقدامِك تتأمَّر
وأنا يا عُمري بالجنَّة طَمَّاع وأناني
مادري ليه كلِّ ما أوصفك أتِذكّر
كِل لحظة قضيتها معك في زماني
وليه شراييني وأنا بقربك تتفجّر
تريد تفدي قلْبْ ..يا ما هو فَدَاني
أقلك أنا هالحين قاعد أتِحَسَّر
على كل يوم جَفاكِ فيه أجاني
وانا كِلْ يوم أعشق عمري أكثر
أخاف بيوم دَمعِك ينزل عشاني
قَلبها يا بَشَر..والله صَعِب يتفسَّر!
تفرَح بْفَرَحي ..ويومٍ أحزَن تِعَانِي
تِسِع تِشْهر وأنا فْ بَطنَهَا أتمختر
وهي تلفظ أنفاسَهَا ليومٍ فيه تِلقانِي!
أتنفَّس بهواكِ ..وبرَحْمِك أنا أكْبَر
ويومٍ ولدْتيني رَبَّي بحضنك رمَانِي
والله يا رَبعِي أنا بْدونَها أتِعَثَّر
والروح إنْ يومٍ جفَتهَا تِعَاني
وهي ياما كانت على دروبِي تسهر
تدعيلي والاقي الخير من ربِّي أجاني
أخاف من يومٍ شراييني فيه تِتْمَسْمَر
يومٍ تفارقني ..وأبقى أنا وَحداني
الله لا جاب هاليوم ..أو يتأخّر
لحين أموت أنا وتكون هي "دَفَّاني"
لا والله ما أقدر بيومٍ أتِصَوَّر
تعيش الروح بعيد عنِّك يا كَيانِي