سيدي الكريم هذا الموضوع يحتاج ليس مجرد نقاش فقط وانما يحتاج الى جلسات طويلة وافعال قوية.
لنبدأ بوزارة التربية والتعليم والمدارس ومدى تأثيرها في سلوكيات المجتمع, فـ لنرجع قليلا الى الوراء ونضع نقاط الاختلاف بين
مدارس الامس ومدارس اليوم من حيث التربية والتعليم ولنسأل انفسنا لماذا اذا ضرب المعلم ابني او ابنك
نذهب الى الاستاذ ونوبخه او نضربه او نشتكي عليه؟ الم يضربك الاستاذ ايام دراستك الابتدائية او الاعدادية؟؟
او الثانوية؟؟ هل اشتكيت لوالدك على ضرب الاستاذ
؟؟ وهل كان بالامكان الافصاح للوالد عن سبب ضرب الاستاذ لك؟؟
هل شاهدت استاذ مكلبش بسلاسل الحديد من قبل الشرطه يؤخذ الى المخفر بسبب معاقبتة لطالب ايام دراستك؟؟
اذا لنراجع انفسنا في تربية ابنائنا من البداية وهي المدرسة وسلوكياته فيها.
هيبة الامن اين هي ؟؟؟
في هذه النقطة بقول الله يرحمك يا والدتي ايام ما كنت تحكيلنا اذا ما بتناموا بجيبلكوا الشرطي.
زمان القاتل يحكم عليه بالاعدام واليوم القاتل يخرج بجاهه وصلحة عشائرية اولها تبدأ بعطوة امنية ثلاث ايام.
زمان احكام الزنا والاغتصاب يحكم بالمؤبد واليوم بتروح القصه
( طمطمة )
والان يا اخوان نسمع بشرطي ضرب او قتل او جرح.
نقاط كثيرة وضيق الوقت لا يسعفني لذكرها جميعها وهذه اهم النقاط الحساسة التي تحتاج مراجعة ودراسة
حثيثة من قبل الاباء يجب على الجميع مراقبة الابناء وعدم اهمالهم لا تنتظر معلم يربي ابنك ولا شرطي يؤدبه
كن انت وانتِ اختي الام الكريمة المربي والمؤدب والمعلم والشرطي لابنائكم.
السبب الرئيسي لذلك هو الاوضاع الاقتصادية الصعبة للناس ,والواحد مش طايق حاله ,, طبعا الاوضاع الاقتصادية الصعبة بتخلي المرة تلعن فاطس زوجها وممكن توصل لمرحلة تحكيله جوز احذية ولا هالجوز ,,الولد ببطل يسمع لاهله بصير هامل ,واذا نجح في الثانوية العامة بمعدل خمسين اذا كان واصل بدخل الجامعة وبتصير طوش بالسيوف والاسلحة البيضاء واذا ما كمل دراسته بحطله بسطة وبتفشش في الناس ,,يعني ببساطة الاوضاع الاقتصادية هي السبب.
اقتباس:
المشاركة الأصلية كتبت بواسطة مارد85
اشاطرك الراي ..ابو احمد زبدية ..
الوضع الاقتصادي يلعب الدور الابرز في هكذ ظواهر اجتماعية كثرت هذه الايام ..اضف اليها ما ذكره الاخوة من سوء تربية وضعف او انعدام الوازع الديني...
شيء مقلق حقا ..
دعوني اخالفكم الرأي هذه المره فقط ههههههه
سؤال : هل الاوضاع الاقتصادية سابقا افضل من اليوم ؟؟ كم كان مصروفك اليومي ايام الدراسة الابتدائية ؟ وكم مصروف ابنك الي بالروضه اليوم؟
قارن على نفس المثال اشياء اخرى تجد الوضع الاقتصادي سابقا متدهور اكثر من اليوم ولم نسمع قصص تحدث كما اليوم
اخي جهاد الله يمسيك بالخير ..
صحيح انه زمان كان مصروف الواحد شلن ..اي بس كان الشلن (يجيب)
وصحيح كانت المعاشات بالسابق اقل ولكن كان في بركة ...احكيلي كيف؟؟؟؟
يعني ماكان عند كل واحد بالدار خلوي..
ماكان في بكل بيت.. كندشن..وسيارة ... وعلبة جل لكل واحد ..ونت ..وستلايت ..وغسالة اوتوماتيك ..وطقم موريس..
ومكياجات الستات..اواعي البالة زمان كانت احلى من مية موضة..الواحد كان ب5 ليرات ينزل يلبق احسن لبسة
..ونسوان كبل اللي بدورن عالستيرة ..
مش مثل اليوم المظاهر ذابحيتنا
و الكماليات مشعتليتنا ..
هذا ما ادى الى نشوب ازمة اقتصادية ولدت مع المشاكل الاجتماعية الاخرى بيئة خصبة للعنف
صح لغة الدواوووين ولغة البلطجية والقوة هي السائدة في مجتمعنا
حتى المدارس صارت بؤرة لنمو متل هيك ظاهرة وصار الشب المؤدب الخلوق بنظر الشباب شب طنط ومش رجل
يعني في ظاهرة شفتها بالصيف رحنا على جبيهة والمفروض تكون مدينة ملاهي وكلها عائلات
لكن مو مكان العاب لانو كان الوضع سيء وكله شباب منحدر من اي فئة ما بنعرف
بتلاقي بكل زاوية مجموعة شباب برقصوا بطريقة غريبة ولمن يشوفو بنت بلحقوها بطريقة مستفزة ومقرفة
غير انو موجود على اساس مطعم وهو اشبه كافي من النوع المتدني بكون مطرب وشباب برقصوا وبعملو مشاكل والفاظ لا يمكن تكون بمكان عام
ما بعرف الحق على امانه عمان لسماح بدخول شباب من هيك نوعية مع عائلات واطفال والمفروض تكون مدينة جبيهة مدينة ملاهي للعائلات
مع افتقاد وجود اماكن عامة وترفيه ,,,, ما بعرف كيف ممكن انسان يطلع عائلته بعيدا عن هيك بيئة والفاظ
صح لغة الدواوووين ولغة البلطجية والقوة هي السائدة في مجتمعنا
حتى المدارس صارت بؤرة لنمو متل هيك ظاهرة وصار الشب المؤدب الخلوق بنظر الشباب شب طنط ومش رجل
يعني في ظاهرة شفتها بالصيف رحنا على جبيهة والمفروض تكون مدينة ملاهي وكلها عائلات
لكن مو مكان العاب لانو كان الوضع سيء وكله شباب منحدر من اي فئة ما بنعرف
بتلاقي بكل زاوية مجموعة شباب برقصوا بطريقة غريبة ولمن يشوفو بنت بلحقوها بطريقة مستفزة ومقرفة
غير انو موجود على اساس مطعم وهو اشبه كافي من النوع المتدني بكون مطرب وشباب برقصوا وبعملو مشاكل والفاظ لا يمكن تكون بمكان عام
ما بعرف الحق على امانه عمان لسماح بدخول شباب من هيك نوعية مع عائلات واطفال والمفروض تكون مدينة جبيهة مدينة ملاهي للعائلات
مع افتقاد وجود اماكن عامة وترفيه ,,,, ما بعرف كيف ممكن انسان يطلع عائلته بعيدا عن هيك بيئة والفاظ
معك يا شهد فيما تفضلتي به ,,
حتى كثير من الحدائق العامه وأماكن التنزه أصبحت فيها هذه الظاهره
,,,