سؤال
ليش الوحدات فاز على المنشيه وعلى شباب الاردن بدون جمهور ؟
سؤال مهم
ليش احنا ما بنقبل الخساره و بنقلب على الفريق لما نخسر ؟
مش الفطبول فوز وخساره ؟
السؤال الاهم
ليش جمهورنا صار هيك ؟
بديش اقول بشتم لاني ما بشوف شتم هون في هاد الموقع
بس صار لما بنتقد بصورلك انو الوحدات فريق مدرسه و بهد معنويات الفريق فوق ماهي منتعل سلسفيلها
و الله موش هيك الانتقاد
ملاحظه اخيره
بحياه الله يا جماعه الخير تنتبهوا للجمهور المندس بين جمهورنا ( وين مكان ) هون او في الفيس بوك
اللي ما ببينوا غير عند خساره او تعادل
وببلشوا سلخ بالوحدات عنجب وطرف
جمهور الوحدات عمرو ماااااااااااا كان جمهور فوز
و الوحدات عمرو ماااااااااااااا كان هيك
لا تزعلوا مني ويبلش كل واحد يوخذ الموضوع انو موجه الو
انا بحكي بشكل عام
خلونا نفكر شويتين
الجمهور زي ما بضحي عشان الفريق واسم الوحدات
وجب على الاعبيين يحسوا بالجمهور للاسف اسوء جيل من الاعبيين
شغل بس فيس بوك وانستغرام وصور وتخبيص مش هامهم لا الجمهور ولا اسم النادي
ومن حق أي فرد من لجمهور ينتقد والله لو هالجمهور كان للاهلي ولا البقعة كان بيضوا الوجه وخصوصا خارجيا
جمهورنا بدو يشوف شوية ركض وبعض الغيره والمهاره والقليل من الفن حتى لو خسرنا مش حنقلب وجمهورنا واعي ..بس لما نشوف انتنيه مفرطه ومال سايب ودلع وغرور ونشوف انه نجومنا تفتقد اساسيات كره القدم وقتها الحق علينا والله لولا الحيا لجمهورنا يقلع هالولده من جذورها ..
فريقنا لا يستحق الفوز ولا يستحق بطولات للامانه ولو توجنا ببطوله السنه بيكون الحظ معنا وهاذا الغريب طول غمرنا نخسر البطولات ونحن نستحقها بس لاعبينا ومدربنا خسرونا ثقتنا بنادينا واسم الوحدات بسببهم صار لعبه
والله العب واخسر اعطي شو عندك عارفينك مش مارادونا وقتها الكل معهم
اللي بصير عيب بحق الجمهور مش بسبب الجمهور حبيبي
يا اخي لما خسرنا من الاتحاد في جدة الم نحيي الفريق و نمدحه على ادائه العالي و لم ننتقص من حق اي فرد في الفريق؟
عندما خسرنا هذه المباراة او تلك او ودعنا بطولة لم نتخلى عن الفريق
و لكن عندما نرى فريقنا يترنح فلا بد لنا ان نقف و نسمع صوتنا للجميع حتى يتم اصلاح الخلل
لا يوجد فريق يفوز فقط و هذا هو الطبيعي و لكن اتمنى منك قبل ان تهاجم الجمهور ان تراجع نتائج الفريق و ماذا قدم و تحكم بنفسك
اتمنى منك ان تعود و تستمع للتصريحات الرنانة و تحكم بنفسك
اتمنى منك ان تستمع الى الاعذار و الحجج الواهية و تحكم بنفسك
مرة جلد الذات
و مرة جمهور نتائج
و مرة جمهور مندس
و مرة بنطلع احنا سبب النكسة و النكبة
اقولك احنا سبب الحرب العالمية الاولى
من حق الجمهور ان يغضب و ان يتذمر و ان يعترض
فنحن لسنا فريق مغمور يتبع سياسة "تلولحي يا دالية" مرة متصدر و مرة ثالث و بكرة بنصر مرة متصدر و مرة خايفين من الهبوط
مش كل ما دق الكوس في الجرة بدنا نقول الجمهور لأنه الجمهور اكثر من يبذل من اجل الفريق و على الادارة و الجهاز الفني و اللاعبين ان يحترموا الجمهور
تاريخ النادي هو من تاريخ جماهيره و سمعة النادي بنيت على حساب جماهيره
اخي الفاضل
ما ال اليه حال الفريق ليس بسبب الجمهور حتى تدار اصابع الاتهام اليه
بل لا بد ان ترفع القبعة لهذا الجمهور على صبره
كل سنة نمني النفس و نقول القادم افضل و لكن للاسف الحال الى اسوأ
لنا كل الحق بالاعتراض و النقد و الصراخ بأعلى صوت لأن الامور باتت لا تحتمل
و لن يقبل من احد لا اسلوب التخوين و لا اسلوب الاخضاع بمختلف الحجج المعتادة
لو بيقدموا اداء وبيخسروا لسح الله كان قلنا ما توفقنا الجماهير بتحب العب الحلو مش قول جاي عالهبلنه ولاجمله تكتكية وحدة واذا بتحكي انه احنا جماهير نتائج كان ما لقيتنا بالملعب بعد كل تعادل اوخسارة بس عيب تحط الحق على الجماهير وانته شايف الولدنه الي بتصير بالملعب
جماهير الوحدات واعيه جدا ولانها واعيه وعندها حس فني من حقها تتكلم وصديقي انا شاعر انك بتحضر مبارايات لدوري ثاني لانه اذا انتا مقتنع بأشباه لاعبين فوجهة نظر وبنحترمها ولكن ما بيطلع لك ولا لغيرك انه يمنع اي واحد من الجمهور يتكلم ويحكي رأيه لأنه الجمهور هو الوحدات والوحدات هو الجمهور وأغلب اللاعبين وعلى رأسهم بهاء فيصل لا يستحق ان يرتدي كلر الوحدات
جمهور الوحدات من ارقى جماهير العالم قاطبه ولكن العتب ع قد المحبة....كان من الاولى ان يكون هناك تخطيط استراتيجي من قبل الادارة المبجله ان تلعب بفربقين الاول خليط ما بين الشباب لاعدادهم في قادم الايام والثاني للاسيويه ....ولكن لا حياة لمن تنادي.......
اي والله العظيم انو ما رحت ما انام بالشارع اليوم بسبب المباراه. . قاعد بستنى في آخر قطار و ناسي حالي بفكر بالمواضيع اللي بالمنتدى ويتفاعل معها. . وللا القطار بسكر الأبواب و زتيت حالي زت جوا القطار. . يا راجل ارحمونا