صحيح إحنا شو بدنا فيه أخي جمال، بسّ لو تتمعّـن بالقصد من طرح الصورة في هذا الموضوع، بتلاقي مع هذا المحترف شْبيب صغير وحبّوب رايِح لُه عـ المطار يستقبلُه لحالُه لبالُه.
إحنا عاد محترفينّا اللي بنجيبهم لما يوصلوا بتلاقي حمولة 3 سيارات رايحين يستقبلوه في المطار، مدير علاقات عامة ورئيس لجنة اجتماعية وستّ سبع أعضاء لجان مختلفة ومصورين اثنين وكاتب صحفي من المركز الإعلامي، هذا بالإضافة لأصحاب السيارات الثلاث واثنين ثلاثِه من أصحابهم وبيكونوا برضو من أعضاء الهيئة العامة، والطريف في الموضوع أن الأربعطعشر أو الخمسطعشر واحد هذول اللي بيكونوا في استقبال محترفنا بيصوّرولنا حالهم وِبْيِتْصَوَّر للمحترف اللي جاي إِنْهم هُمّـه أصحاب النادي وهُمّـه اللي جايبينُه، وكأنهم جايبين الذيب من ذيلُه، وخُذلَك على صور وفيديوهات وهاتلَك على منشورات ومطبوعات في صفحاتهم على الفيس بوك.. هههههههه، وبالآخـــــر محترفينا بيطلعوا ستوكات، ومحترف واحد من اللي بجيبُه نادي غيرنا بيطلع بيسوا الثلاثِه اللي أجونا، ويا دوبك حقُّه بيكون ربع حقّ واحد من اللي عنّا..!.
أنا هيك فهمت طرح هذي الصورة في هذا الموضوع عندنا، حتى لو ما كانِش قصد أخوي أبو أوس هيك.
.
.
وطبعا، مِش غلط في مركزنا الإعلامي ولا في صفحاتنا الوحداتية إِنْهم ينزّلوا هيك أخبار، بل بالعكس هذا شيء مفروض وضروري.. بسّ إشي ومنُّه، وبالمعقــــــول.. عشان المحترف اللي بيجي عِنّا، هو اللي يْحِسّ بالقيمة العظيمة للنادي اللي جاي يلعب فيه، مِش إحنا اللي نحسِّسُه أن وصفه مقطوع، وإنّا جوعانين محترفين.
صحيح إحنا شو بدنا فيه أخي جمال، بسّ لو تتمعّـن بالقصد من طرح الصورة في هذا الموضوع، بتلاقي مع هذا المحترف شْبيب صغير وحبّوب رايِح لُه عـ المطار يستقبلُه لحالُه لبالُه.
إحنا عاد محترفينّا اللي بنجيبهم لما يوصلوا بتلاقي حمولة 3 سيارات رايحين يستقبلوه في المطار، مدير علاقات عامة ورئيس لجنة اجتماعية وستّ سبع أعضاء لجان مختلفة ومصورين اثنين وكاتب صحفي من المركز الإعلامي، هذا بالإضافة لأصحاب السيارات الثلاث واثنين ثلاثِه من أصحابهم وبيكونوا برضو من أعضاء الهيئة العامة، والطريف في الموضوع أن الأربعطعشر أو الخمسطعشر واحد هذول اللي بيكونوا في استقبال محترفنا بيصوّرولنا حالهم وِبْيِتْصَوَّر للمحترف اللي جاي إِنْهم هُمّـه أصحاب النادي وهُمّـه اللي جايبينُه، وكأنهم جايبين الذيب من ذيلُه، وخُذلَك على صور وفيديوهات وهاتلَك على منشورات ومطبوعات في صفحاتهم على الفيس بوك.. هههههههه، وبالآخـــــر محترفينا بيطلعوا ستوكات، ومحترف واحد من اللي بجيبُه نادي غيرنا بيطلع بيسوا الثلاثِه اللي أجونا، ويا دوبك حقُّه بيكون ربع حقّ واحد من اللي عنّا..!.
أنا هيك فهمت طرح هذي الصورة في هذا الموضوع عندنا، حتى لو ما كانِش قصد أخوي أبو أوس هيك.
.
.
وطبعا، مِش غلط في مركزنا الإعلامي ولا في صفحاتنا الوحداتية إِنْهم ينزّلوا هيك أخبار، بل بالعكس هذا شيء مفروض وضروري.. بسّ إشي ومنُّه، وبالمعقــــــول.. عشان المحترف اللي بيجي عِنّا، هو اللي يْحِسّ بالقيمة العظيمة للنادي اللي جاي يلعب فيه، مِش إحنا اللي نحسِّسُه أن وصفه مقطوع، وإنّا جوعانين محترفين.
آه صحيح، نسيت والله.. الشبيب الصغير الحبوب في هذه الصورة مش لحالُه رايِح عـ المطار، رايِح وهو وصاحبُه اللي بيصوّرهم.
تحياتي واحترامي للجميع
نعم طريقة استقبال المحترفين في النادي تتطلب اعادة نظر ..عقد انداي زاد بما مقدارة 25 الف دولار بعد صور الاستقبال المشكلة تكررت بشكل ملفت ومع ذلك الصورة في الموضوع أشكلت علي لان الشاب المستقبل صورته واشارته تحاكي المحترفين .
اقسم بالله اشي بيحط العقل بالكف،، كثير من الناس كانوا عارفين انه مقلب،، ومع ذلك تم التعاقد معه !!!
عنجد يا غالي بحكي، ومن غير الأفّيهات اللي بيني وبينك:
الصحيح أنه لا كفّ ولا مَخْـرَز، ولا عقل ولا رِجِل.
الصحيح أن كثيرا من الناس اللي طلعوا يحكوا عنّه مقلب، كانوا لابدين على غش وخباثة وقلة فهم، أيْ نعم على قلة فهم.. ولو أن هذه الصفات لا تستقيم مع بعضها، إذْ أن الغش والخباثة عادة ما تقترن هاتان الصفتان مع الذكاء، بسّ هذول لأ.. هذول اقترنت واستقامت هذه الصفات معهم بقلة الفهم، وظلّوا ينتظرون الظروف لكي تخدمهم فيما يقولونه الآن، بعد أن أدّت هذه الظروف إلى فشل الرجل (فييرا) مع الوحدات، علما بأنه لو كان (يورغن كلوب) مكانه وفي مثل هذه الظروف لفشل أيضا مع الوحدات.
هذا إضافة إلى استغلال هؤلاء الكثير من الناس (اللي بتحكي عنهم يا قاسم أنهم عارفين أنه مقلب) لهذه الظروف، سواء صحفيين وإعلاميين نص كم أو كم طويل، أو سواء مدربين أو لاعبين أو جماهير، أو أي معنيّين بهيك قصص وسواليف.. وراحوا يسردون القصص والحكايات والمواقف السابقة معهم الآن، الآن وبعد فشل الرجل، الآن عشان يحكولك: والله أنا حكيت..!. مستغلّين ضعف الوعي الإعلامي فينا بالضحك علينا، ومستغلّين أيضا قلة التركيز في التفكير عند الكثير الكثيــــــر منّا والبحث في هيك قضايا عن أحوال وأوضاع المدربين واللاعبين من خلال سيرهم الذاتية وتاريخهم السابق، حتى عندما يقومون بطرح آرائهم السديدة وبُعـد نظرهم الثاقب فيما بعد وقوع المصايِب، نقوم إحنا نقتنع بهيك آفات إعلامية وهيك أشخاص متصيّدين.
ليش ما واحد من هؤلاء الـ (كثير من الناس كانوا عارفين أنه مقلب) ليش ما طِلْعِش وحكى أنه مقلب ساعة التعاقد معه..؟!. يا سيدي بلاش يحكي مقلب، على الأقل يحكي الرجل كِبِـر وما عادِش يواكب متطلبات الكرة الحديثة، أو على الأقل يحكي مِش ممكن خبراته وقدراته الفنية في هذه الظروف وفي هذا البلد إِنها تساعد نادي من أندية هذا البلد أو أن تضيف له..؟!. عارف يا قاسم ليش ما حدا طِلِع وحكى هذا الحكي..؟!.
لكي يُبقوا الباب موارِبًا..!.
وعلى العموم، حياتنا كلها، بكل عناصرها وشخوصها مْوارَبِه في مْواربِه.