مجرد حكي مش اكثر - مجرد حكي مش اكثر - مجرد حكي مش اكثر - مجرد حكي مش اكثر - مجرد حكي مش اكثر
بسم الله الرحمن الرحيم
هاردلك ع التعادل الاول والثاني المخيبان للامال ،،وباذن الله القادم افضل..
يمكن مبارح من كتر القهر اللي كنا فيه كان الواحد اله نفس يمسك مايك ويضل يحكي لانه بصراحه نسبة كبيرة جدا من الجمهور فاهم و واعي للي بصير في مبارياتنا وأصبح الجمهور عنده اهتمام ب الأداء زي ما عنده اهتمام بالنتيجه وهذا دليل ع الوعي الكروي ،،
ب اختصار حاب أحكي اللي عندي بخصوص لاعبينا وتشكيلات اللاعبين اللي ممكن نبلش فيهم أي مباراة بالدوري :
الفاخوري
فراس. طارق يزن الدميري
ا.الياس. ا.ثائر
يزن ثلجي. ا.سمير فهد اليوسف
انداي
بدلاء الشوط التاني
رجائي بدل ا.ثائر
صالح بدل ا.سمير
العوضات بدل فهد
الجوابرة بدل يزن
السيفي بدل انداي
اقسم بالله عنا كمية لاعبين بتحسم الدوري دون أي تعثر،،
طب ب الأسماء هاي ممكن تلعب 4321 أو 4231 أو 433 ،،ليش ؟؟؟لانه وسطنا كمجموعة افضل من اي وسط لاي نادي تاني او حتى يمكن افضل من وسط المنتخب،،،
من النقاط المهمه أنه احنا عنا اجنحه سريعين و مهاريين يعني ممكن نسبب مشاكل لأي دفاع وخصوصا اذا الشوط الأول لعب بفهد ويزن والشوط التاني لعب ب العوضات والجوابرة،،
راس الحربه عنا انداي من افضل المحترفين اللي زاروا الدوري الاردني ولو كان ع زمن رافت وابوعمارة و حسن أو عامر ذيب كان مجموع أهدافه ما قلت عن 15 جول لذلك يجب التجديد معه كمان موسمين ع الاقل،،،
من الضروري جداً إذا الله كتبلنا و رحنا ع ابطال آسيا يكون يزن النعيمات من ضمن تشكيلة الوحدات ومش غلط كمان لو مجدي عطار لاعب الصريح،،النعيمات ح يشكل ثنائي جميل مع صالح وح يفرغ مزبوط ل انداي لانه لاعب متحرك،،
الهدف من الموضوع أنه حتى انا اللي ما بفهم بالتدريب 1 ٪ ممكن اعمل تشكيله من اللاعبين اللي عنا واحقق الدوري دون تعثرات أو يمكن تحقيقه بنتائج مرضية وأداء جميل ويكون عندي تعادلين ع الاكثر،،
اذا بدنا نحكي بشكل عقلاني اكثر ابو زمع اصبح تحت ضغط هائل ولن يستطيع تقديم شئ ممكن يكون صاحب فكر كروي ولكن لايستطيع تشريبه للاعبين وهذه مشكله كبيره وان استمر حتى النهايه وحقق اللقب لن تحسب له حاله حال الكابتن رائد عساف
المدير الفني هو المسوؤل اولا واخير وهذا المتعارف عليه عند كل الفرق في العالم واللي بيقول غير هيك بغالط نفسه ، المدرب هو اللي اختار التشكيله وهو اللي وضع الخطه وهو اللي بدل طيب شو دخل اللاعبين انا بقول بكفي دفاع عن ابو زمع لانه اللقب قرب يصير في مهب الريح اذا ما اتخذت الاداره قرارت لحمايه مسيره الفريق لما تبقى من مباريات
اتمنى ان يصحوا الجميع من سباتهم لاعبين ومدربين
لدينا افضل لاعبين وافضل مدرب شو ظل غير هيك
بكفي لعب باعصابنا واعصابنا لا تتحمل اكثر من هيك
معلش الانتقاد من الجميع كثير وهذا نابع عن حب الحميع للوحدات ولاعبيه ومدربيه
شكراً .
مهو نكون منطقيين ،،اي نعم احنا متصدرين وبفارق نوعا مريح
بس اي عك في المباريات القادمة بنحط حالنا بداومه وبنقلب مسخرة ،،،الكل بتصيد الوحدات ونتائجه،،
المفروض أنه موضوع الدوري محسوم وتكون نظرتنا شو بدنا نعمل ب اسيا،،
الله يعديها ع خير معنا