يعني يا جماعة الخير ما تزعلوا الانجازات اللي صارات و اللي رح تصير ما هي الا توفيق من رب العالمين و بدي اذكر مجموعة من اعضاء الموقع انه كثير كنا نفوز و نحقق بطولات بس برضى الوالدين بعد رضا رب العالمين و اللي بفكر انه اللي رح يعمل شي بشطرته بكون غلطان
درجان انت اذا صحت الاخبار التي تجمعك و ابو زمع و شلباية و رافت و البهداري فانتوا اللي خسرانيين بتعرفوا ليش
رح احكيلكم ليش اللي عمله درجان بعمل اي مدرب بفهم لان ما في منافس للوحدات بالاردن و بالاتحاد الاسيوي ما حدا يحكي انه كنا مميزين كان ادائنا عادي ربنا وفقنا و الدليل مباراة شورتان لو كانت على ارضهم كان روحنا .
و البهداري حقه يعمل اللي بده اياه لانه مش ابن النادي بس العتب على مين على اللي بفكروا حالهم انهم هم من صنعوا انجازات الوحدات يا عمي اصحوا اصحوا الوحدات بجمهوره نعم بجمهوره و بس بجمهوه و بس بكفينا كئابة و سمة بدن اللي بروح مع ستين سلامة و اللي بضل اهلا و سهلا و خلينا نلتف على نادينا و ندعم اللي موجودين باسم و حسن و حليموا و الياس و باسم و شلبية و قنديل والدميري و المحارمة و الذيبين و قولوا يارب ما تحطوا الحزن بالجرن اللي عملهم الوحدات و اللي ورا الوحدات جمهوره و الله وحدات القدس عربية