تجديد الثقة لعدنان حمد، السبب الانجاز الي حققه المنتخب والنتائج اللافتة التي تحققت مؤخرا؟؟!!!!!
على اساس انه حمد الي صنع الانجاز
حمد لعب بطريقة دفاعية من مبدأ اذا مش قادر تهاجم العب دفاع مع هيك 90 دقيقة مضغوطين ودفاعنا بطارد ورا المهاجمين ومع هيك اقل مباراة فيها بجوز 10 فرص تكفل شفيع بتوفيق من الله وطلعها من الجول.
لا حمد صانع الانجاز ولا لعيبة المنتخب ولا لعيبة الوحدات
اللي صنع التفوق الاردني لاعب واحد اسمه عامر شفيع
انا ضد الحركة الي عملها شفيع ومع معاقبته بس بنفس الوقت ما ننسى شو عمل للبلد ونرفع غيره على حسابه الشخصي
برأيي المتواضع عقوبة شفيع ليس الحرمان سنة كاملة انما تثبيت المدرب حمد وتنسيب الانجاز - ان صح التعبير- له!!!
يا ريت نشوف اللحظة الي نلاقي واحد من ادارة نادينا ويقول لأ للظلم
لانه زهقنا من كلمة نحترم قرارات الاتحاد ونحن في خدمة اللعبة
واذا بنضل على هيك رح يجي اليوم الي نلاقي الوحدات امسى رمزا من رموز الكرة الاردنية واصبح رمادا لا يذكر الا في التاريخ - في حال تم ذكره- !!...