هوا عشان كاسة مي اجت عليه من جمهورنا بدك الادارة تعتذرلو اي خفو علينا هي احمد الياس انزت عليه مليون كاسة وابراهيم الزواهرة اتهجم عليه من غبا بهاء عبد الرحمن الي حب يستغل الكرة ولاعب من فريقو مرمي بدو يموت واجا المشاكس قطع الكرة منو وراحو حطوها بظهرو
ما حدث اليوم للاعب الخلوق ابن البقعة ابراهيم دلدوم لا يقبله عاقل ولا يمثل عموم جماهير الوحدات
اللاعب تعرض لرمي قارورة مياه وتعامل مع الموقف بكل نضوج وامتص الموقف بعقلانية وحكمة تنم عن جود اصل هذا اللاعب
للعلم بعض من اصوات الغربان على مواقع التواصل الخاصة بالوصيف تلوم اللاعب على عدم استغلاله للموقف وعلى عدم تظاهره بالاصابة ! والتي ان قام بها ممكن ان تؤدي الى ايقاف المباراة او تغليظ العقوبة على الوحدات
اللقطة استغلتها الصحافة الالكترونية ومتداولة بشكل كبير ويجب على النادي الخروج ببيان يستنكر الحادثة ويعتذر من اللاعب بأسرع وقت ممكن وانا كوحداتي أطالب بتكريم اللاعب من لجنة الجماهير والالترا وكل الفعاليات الجماهيرية ولا يكفي الاعتذاز
فعلا هذا ما حدث وكان تصرفه اخلاقيا جدا , فلو حصلت مع لاعب اَخر لرمى بنفسه على الارض واستغل الموقف لصالح فريقه ولكن نشكر دلدوم على تصرفه الاخلاقي , ونأسف لتصرف بعض جماهيرنا اللا اخلاقي بتاتا .
دلدوم والبقعة وكل أهالي البقعة على العين والراس ولهم شديد اعتذارنا وتقديرنا ، وأي لاعب بالفيصلي بيلعب برجله الشمال ، وكان من الممكن أن ينفذ الركنية تلك بدلا من دلدوم وأن يتعرض لما تعرض له دلدوم ، برضو على العين والراس وله اعتذارنا ..
وعشبات الملعب ولوحات الإعلانات التي أصابها كمان كاسة ميّ أو كاستين على الأكثر من جماهيرنا برضو لهم اعتذارنا كجماهير ..
أما يا باشمهندسنا الكريم إذا بدّك كتب اعتذارات رسمية ، فأنا الآخر أطالب إدارة النادي الفيصلي بتقديم ما لا يقل عن 100 كتاب رسمي اعتذارا عن عدد الكاسات اللي نزلت على روس لاعبينا من جمهورهم ، واللي الحمد لله ولا وحده فيهم صابت أحمد الياس ولا عبد الله ذيب ولا الدميري اللي كانوا يلعبوا جهة الشمال في الشوط الأول ، وما صابتش ولا واحد من لعّيبتنا اللي أجو يفزعوا ويوزّعوا ابتسامات واعتذارات بعد هيك ، وأظن هذه الاعتذارات والابتسامات كانت كافية وفيها مبالغة كمان وزيادة على غلط ما صارش من لاعبينا .. ونصيبه للدلدوم إنها هالكاسِه صابتو ، بس برضو الحمد لله أجت سليمة !.
بكرة منزلو اعلان في الجريدة وفي CNN ومنروحلو جاهة،،يا رجل هذا موضوع بينزل وليتوافق عليه اما موضوع مهم ورسالة مهمة كتبتها ليلة امس ما بينزل ولا واحد فيهم بيغلب حالو وعلي الاقل يكتب رسالة لي يقولي فبها موضوعك ما رح ينزل،،وبعدين. يعني يا جماعة الاشراف ..ماذا تريدونه مني؟ اتحداكم كلكم من كبيركم لصغيركم اذا موضوعي الذي،لم ينزل فيه اساءة واحدة،،بس خلص كلامي ثقيل عليكم صار
بصراحة يستاهل رفع القبعة له
الجميع يعلم بأنه لو سقط على الارض وعبّر عن ألمه الذي من حقه التعبير عنه كان الان الوحدات في اقل شي 4 عقوبات بانتظاره
لكن لأنه انسان محترم ما عمل هيك
مع انه لو عمل فهذا ليس تمثيل وهو رد فعل طبيعي
وبالنسبة للي بيحكوا ليش كان بيلعب من كل قلبه حابب احكيله اي انسان محترم لازم يلعب من كل قلبه مع الفريق اللي موقع معه وبيعطيه راتب
من باب مخافة الله
Sent from my iPhone using Tapatalk
كنت انتظر هذا الرد
يلخص ما كتبت
ماذا لو كان بهاء او الزواهرة او قويدر او الرواشدة مكان دلدوم
لمن لا يعلم .. دلدوم بعد توقيعه باقل من شهر طالب بفسخ عقده ولكن قوبل بالشرط الجزائي .. طبعا هذه معلومة على الهامش لا علاقة لها بالاساءة التي تعرض لها من جمهورنا