نعم يجب أن يكون هناك قرار جريء وشجاع من ادارة الوحدات
ما بدنا لا اولى ولا بطيخ اما بنكون زلام وعلى قد كلمتنا وما بنتراجع
فيها وهي تجميد الرياضة ككل بنادي الوحدات أو كرة القدم على
الاقل , اما بنرضى بالتصرفات الغير اخلاقية وما ينتج عنها وبنسكت
والمسأله مش واقفه على عقوبة اليعقوبي والباشا فقط المسألة
مسألة وجود وكرامة , والي بفكر انه المسألة كرة قدم بكون واهم
الموضوع أكبر من هيك وكرة القدم هي ثغرة لهم للتنفيس عن
أمراضهم المصتعصية وأقصد كل انسان محب للعنصرية ويحث
عليها من جماهيرهم أو مؤازرينهم .
اسعد الله اوقاتك اخوي Mohammad Ibrahim
حتى لو ظلينا على قرارنا وتم هبوطنا للدرجة الاولى الاتحاد رح يظل على تحيزه وميوله الزرقاء
وبهالحالة احنا الخسرانين لانه مسالة الهبوط رح يرافقها الكثير من المصاعب وحتى لم نرجع للممتاز رح نحتاج لوقت طويل لترتيب اوراقنا من جديد .
وحسب رايي المتواضع لو قاطعنا المدرجات احنا كجمهور الاتحاد رح يتاثر .
وكذلك لما لا ننسحب من كل مباراة في بدايتها ويتم تخسيرنا 3/0 فهذا من شانه تحجيم قرارات الاتحاد الزرقاء .
وعلى راي المثل القائل : لا يموت الذيب ولا يفنى الغنم .
طبعا تجميد النشاط هو الأصل والحل اذا ما أعاد الاتحاد الحقوق وقدم حلولا جذرية للمشاكل التي تسببها لجانه كافه بتغيير الأشخاص والوقوف على مسافة واحدة من الجميع ، غير ذلك خلينا عالسلة والطائرة وغيرهم، لأنه الهبوط للأولى رح نشوف نفس العاهات قدامنا لأنه الأولى فظايحها أكبر بس الإعلام مخبيها
انا مع اي تصعيد و اي موقف ممكن يوصلنا الى هدفنا المنشود...احنا اصلا ضد فكرة انه نهبط...الاصل اما تحصيل الحقوق و اما نتركهم و يشبعو...مثل ما قال اخونا ابو اوس...خليها نادي ثقافي اجتماعي و من غير رياضي ..
هذا ما نطالب به يا تغيير الشخوص في الاتحاد وان لا تكون لهم ميول نادوية يا إما خليها إلهم خلينا نشوف كيف بده يصير الدوري عندهم لا طعم ولا لون ولا رائحة وهم الخسرانين.
وما بتم ذلك إلا بالاصرار على تقديم كل شيء للاتحاد الدولي وخلينا نشوف كيف بده يصير الدوري.
يسعد صباحك اخي محمد نعم كلام سليم 100/100 من الاخر هم حلين لا ثالث لهما
اما تعديل منظومة الاتحاد الزرقاء كاملا
او تجميد نشاط كرة القدم والتركيز على الالعاب الفرديه وكرة الطائره والسله
يسعد مساك
نعم هذا ما يجب فعله...مع تحفظي نسبيا على النشاط الرياضي... بشكل كامل يجب التعليق...هذا رايي