طب ليش ما شاركت بروحك الايجابية ما دامك كنت متابع البث المباشر؟
كل المشاركين كانوا من الأخوة الأعضاء المسجلين ولهم تاريخهم الطيب (للمفارقة، انت اللي مش مسجل)
اذا انت حضرت المباراة، فطبعا شفت الفرق بين الشوط الاول والثاني. لذلك اختلف التعليق واختلفت ردات الفعل!
البث المباشر كان كله خمسة او سته، وانا واحد منهم. فمين اللي بتشك انه من جمهور الوحدات.. سهل نطلعه!
التعليقات كانت حسب مجريات المباراة ، وكل واحد بتفاعل شكل، فمنا من راى انها مشكلة لاعب، ومنا من راى انها مشكلة مدرب ومنا من رأى انها مشكلة تحكيم.... ناس وعم تتفاعل مع بعض، فكيف تاتي وتشكك بالنوايا وردات الفعل؟ وبالمناسبة، كيف كانت ردة فعلك خلال المباراة، هل فعلا كنت مبسوط وشابف الدنيا بامبي... ام اعصابك مشدودة ودلوت بدلوك ايضا. بس هلاء بعد ما هديت الامور اصبحنا ملائكة ومثاليين!
هلاء بعد ما دقينا بالفريق، صار دور ندق ببعض؟
مش هيك!
ببساطه شديدة مش ضروري اسب على لاعب ما ادى الي عليه عشان اثبت اني مشجع للفريق[/SIZE][/COLOR][/FONT]