ابو محمد: صافية وافية من الدار للدوام ومن الدوام للدار الله وكيلك.
ابو احمد: يا زلمه قول وغير شو ما اسمعتلك خبر رايح جاي.
ابومحمد: اه والله بيقولك الدنيا قايمه قاعده في طهران وكمان سمعتلك ان هيفاء وهبي طالبه 15 مليون اجر لاخر مسلسلاتها.
ابو احمد: مزع اللي يمزع رقبتك على الصبح وان ومالي ومال ابوهم هذول انا بدي اخبار الوحدات.
ابو محمد: يا زلمه انتا خليت للواحد نفس يتكلم عن الوحدات كله تشائم ونق على ام الفريق.
ابو احمد: اي والله من اللي من نشوفه ونسمعه.
ابو محمد: حكنالك بدهم يعينوا شلبايه هبيت فينا.
ابو احمد: يا خوي والله انك خنقتني بالسولافة الطرمة يعني شلبايه مطوب بيسموه النادي لسى امبارح اعتزل صار مدرب ل 17 واليوم مدير اداري مره وحده اي والله انو اشي بيخنق شو فيه عند خبره يا رجل وقال بدنا نوخذ دوري دوري مين والناس نايمين.
ابو محمد: اي هي شغلة المدير الادراي بدها خبره هي محمد جمال اعتزل واستلم مدير اداري وما شاء الله عليه يعني امه كانت بزيته بز مدير ادراي كلها بتتعلم يعني وقفت الشغلة على شلبايه دخيل على ولياكم ما انكدكم.
ابو احمد:دخيل على وليانا ما انكدنا حكيتلي اي يلعن ابوه قمل امك اذا بتفهم فطبول انت ولك انت بدك مدير اداري فهمان دارس عنده لغات يعني بيعرف يتكلم انجليزي يا كشل امك يعني بكره بدنا نروح على معسكر دبي مين بدو يتكلم انجليزي مع الناس اللي في الفنادق ويرتب الامور مع ملاعب التدريب واللذي منه وليكون مفكرهم اللي هناك عرب والله ليصير فيكم مثل مقابلة محمد قدري مع ريدناب وفضيحتكم تصير بجلاجل .
ابومحمد: والله بيني وبينك كلامك يعني في منه بس انا زلمه بدي واحد من اولاد النادي يخدمنا يعني زي ما بيقول المثل زيتنا بدقيقنا.
ابو احمد: طيب وانا شايفني بقول ما بدناش.
ابو محمد: يا خوي بس بدنا واحد جاهز وعلى قولتك بيعرف انجليزي.
ابو احمد: اي والله بعرفلك واحد جاهز والشغله شغلته ولبلب انجليزي ومن اولاد النادي كماااااان.
ابو محمد: مين يا رجل شوقتنا .
ابو احمد: يا خوي سفيان عبدالله من شو بيشتكي من اولاد النادي والشغله شغلته والرجال فاضي وعلى قولتك زيتنا بدقيقنا.