في واحد معلق على موقع كوره اردنيه كيف ببدنا نفوز على اليابان
خطة العشر ثواني الاولى من مباراة الاردن واليابان :
يا سيدي في خطة و لا افلام الكرتون
بس شرط تكون ركلة البداية معانا
و بدها تعاون من الجمهور و المذيع الداخلي
اول ما يصفر الحكم ركلة البداية المذيع الداخلي بعطي اشارة للجمهور: بيقح، بيعطس، بيقول يالله، ... الخ (طبعاً المذيع الداخلي بيكون مفهم الجمهور باللغة العربية الخطة قبل ما تبدأ المباراة)
المهم، اول ما يعطي الإشارة كل الجمهور بيوقف و بيصيح جووول، بدنا جو هستيري عالمدرجات بعد الإشارة
بنفس اللحظة 4 من لاعبينا بيركضوا نحو الجمهور و بيحتفلوا
هسا منتخب اليابان بهاللحظة رح يصيبه انفصام بالشخصية
هون باقي لعيبتنا و باقل عدد ممكن من التمريرات لازم يوصلوا مرمى اليابان و يسجلوا هدف و بعدين بروحوا ينضموا لل 4 اللي بيحتفلوا قبل الهدف
طبعاً اهم اشي ما تنقطع الهجمة لانه منتخبنا ناقص 4 قاعدين بيحتفلوا و بعدين هات قظب زلم
اذا زبطت و سجلنا برجعوا كل لعيبتنا يصفوا جوفية على باب الجول لآخر المباراة و الله يستر