مناشدة الى من ينتمي للوحدات من الادارة - مناشدة الى من ينتمي للوحدات من الادارة - مناشدة الى من ينتمي للوحدات من الادارة - مناشدة الى من ينتمي للوحدات من الادارة - مناشدة الى من ينتمي للوحدات من الادارة
اقسم بالله العظيم ما كتبت هذا الموضوع الا لغيرتي مما يحدث للوحدات في الوضع الراهن
وين الادارة وين اللي بدعوا انهم ينتموا للوحدات
ما بنصدق ونسمع بعرض احترافي لنبيع نجومنا
طب ومصلحة الفريق وين؟؟؟؟؟
بس كلكم اصبحتم تبحثون عن سعادة اللاعب وانه لازم نفتحلوا مجال النجومية
يا اخي لما يكون عندك حدا يعوض النقص وقع عقود احترافية لمين ما بدك بس احنا حاليا بكامل نجومنا وبنفوز واحد او اثنين بطلوع الروح ويلا يلا نقدر ندافع كويس لازم نصحى كلنا لازم نبطل مجاملات عشان مصلحة الوحدات اللي بفكر بحاله بس ما بنسمحله يدعي انه بنتمي لفريقنا الكبير اللي تميز بوحدة اعضاءه ولعيبته وجمهوره كانهم عيلة وحدة
والله حرام اللي بصير
بالله عليكم برضي مين بالعالم نبيع ريع المباريات ب 120 الف بس؟؟؟؟
يا اخي يا مسؤول خلي ريعها لصالح الوحدات وانشر الخبر والله ليجيك هالمبلغ كل خمس او ست مباريات جمهورنا بده فرصة ليخدم الوحدات ويرتقي فيه للأعلى بين الفرق العربية الكبيرة
وبالنسبة للمحترفين يعني انا مش عارف كيف الفرق الصغيرة مقارنة بتاريخ الوحدات بتتوفق بالمحترفين واحنا النادي الأكبر بالأردن كل سنتين ثلاث ليزبط معنا محترف ليش؟؟؟؟
وين الادارة عن هالموضوع ليش ما نضع الرجل المناسب في المكان المناسب
اذا اللي عنا ما بعرف امكانية المحترفين بالشكل الصحيح بنلاقي غيره بعرف لإنه بنرجع وبنحكي انه مصلحة الوحدات فوق المصلحة الشخصية واللي مش عاجبه هالحكي لا يدعي انتماؤه للوحدات
والمدرب لمتى بدنا نصبر عالمدرب ليخسر مبارتين وثلاث الكل بعرف انه دورينا اذا بتخسر مباراتين او ثلاث لنادي مثل الوحدات بوجود منافسين مابخسروا يعني طار الدوري واحنا مقبلين على كأس التحاد الآسيوي وأملنا كبير هالسنة فتخيل نخسر مباراة مع الكويت الضعيف بالنسبة النا حسب تاريخ المباريات والا ما تعلمت الادارة من اللي صار السنة الماضية عشان الفلوس وتغيير المدربين
أناشدكم بالله يا أعضاء الإدارة الأفاضل فكروا بالوحدات أولا بعدين الباقي بكفي اللي صار في الوحدات الموسم الماضي واللي بصير في الوقت الراهن
بتمنى كتابتي ما تروح عالفاضي ونصحى قبل ما يفوتنا قطار المباريات ونندم في وقت ما حينفعنا الندم فيه
واشهد الله انني ما كتبت هذا الموضوع الا لغيرتي على ما اعتبره رمزي وافضله على أندية العالم أجمع
عمار يا وحدات
عفوا لكن رسالتك لن تصل الى أحد لأن ولاء الادارة بالكامل دون استثناء للمنصب فقط وخير دليل على ذلك ظهور من كنت أظنه الأفضل بين الأسوء مع أسوء الأسوء والوحدات من سيئ الى أسوء في ظل ادارة السوء وبانتظار عشر سنين قادمة قد تغير الوجوه التي لم تتغير من سنين خلت
مشكورين الاخوان على الردود
وكنت اتمنى ان اكون ممن يمثلون الوحدات بالملعب ولكن الظروف لم تسمح لي يا خطيب
وياريت تصحى الادارة لاننا بدأنا بالانحدار الى الأسفل بسمعة نادينا العريق
hello ! hello !hello , who's calling ? is there anybody home ?
sorry nobody home please leave a message, will call you back
thank you for your calling "" weehdat managment "